Bob Hewitt tydens sy verhoor. (Foto: Werner Beukes/SAPA
Bob Hewitt, die veroordeelde verkragter en voormalige tenniswêreldkampioen, is Vrydag op parool vrygelaat.
Singabakho Nxumalo, woordvoerder van die departement van korrektiewe dienste (DKD), het aan eNCA bevestig dat Hewitt vroeër vandag uit die St. Alban- korrektiewe sentrum in Port Elizabeth vrygelaat is. Volgens Nxumalo is die 80-jarige Hewitt onder streng voorwaardes vrygelaat.
Hewitt het drie jaar, ses maande en 22 dae van sy vonnis van ses jaar uitgedien.
Maroela Media het vroeër berig Hewitt is in 2015 skuldig bevind aan die verkragting van Theresa “Twiggy” Tolken en Olivia Jasriel (voorheen bekend as Suellen Sheehan) in die 1980’s en die seksuele aanranding van nog ’n vrou, wie se naam nie bekend gemaak mag word nie, in die 1990’s.
Die misdade is gepleeg terwyl hy vir hulle tennislesse gegee het. Hewitt het onskuldig op die aanklagte gepleit.
Hewitt het sedert September 2016 tronkstraf uitgedien nadat die Konstitusionele Hof vroeër sy aansoek om verlof tot appèl afgekeur het.
Volgens die departement het Hewitt aan verskeie van DKD se programme vir oortreders deelgeneem en het hy verskeie assesserings, onder meer deur maatskaplike werkers en sielkundiges, ondergaan om vir parool in aanmerking te kom.
Hoogtyd.
Die meeste mense sal maar gemengde gevoelens hieroor hê .
Ek dink die vernedering is erger straf as tronkstraf.Hoe hanteer sy familie dit?
Sý Vernedering? Dink liewer aan sy slagoffers se trauma waarvoor daar nie parool bestaan nie!!!
Sali wee na jong wilde bokies loer nie
Uit op parool….! Nou die onvermydelike vraag : wat van Janus Walusz ? Hewitt kan in sy eie huis seker is redelike veiligheid die grendelstaat ervaar……maar Walusz ? Hoe veilig is hy in die gevangenis ..?