Boer op plaas vermoor, vrou gemartel

Foto: Reint Dykema

Tool Wessels (55), ʼn boer van Bonnievale in die Wes-Kaap, is Maandagaand op sy plaas by Kapteinsdrift vermoor. Sy vrou, Liezel (55), is glo gemartel, maar het die aanval oorleef.

Ian Cameron, hoof van gemeenskapsveiligheid by AfriForum, het gesê vier mans met klapmusse het die egpaar omstreeks 18:00 oorrompel. Volgens Cameron is Liezel met ʼn skerp voorwerp in die bors gesteek en op haar rug met kookwater gebrand. Sy het na ʼn buurplaas gevlug en van daar die polisie ontbied.

Liezel is in ʼn hospitaal opgeneem en word steeds daar behandel.

Nadat Liezel alarm gemaak het, is ʼn soektog na Tool geloods. Sy liggaam is ʼn paar honderd meter van die plaashuis, by ʼn pompstasie langs die rivier gevind. Hy was reeds dood.

Cameron het gesê die aanvallers het Tool vermoedelik daar ingewag.

Die huis is geplunder en ʼn vuurwapenkluis word vermis, het hy gesê.

Lt.kol. André Traut, Wes-Kaapse polisiewoordvoerder, het gesê die polisie is nog besig met sy ondersoek na die voorval.

“Die verdagtes het met twee vuurwapens gevlug en is nog nie aangekeer nie,” het Traut gesê.

Polisieondersoekers het vanoggend hul ondersoek op die plaas voortgesit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

73 Kommentare

jongste oudste gewildste
Genieve

Agnee..agnee wat gaan aan met die mensdom so sad.

katryn

Beslis nie ‘n mens wat so iets doen nie!

Chris Ws

Ons innige meegevoel aan die naasbetaandes van die oom en sterkte aan sy vrou.Hoop sy herstel gou van haar beserings.
Nog ‘n plaas moord maar die president vertel in die buiteland plaasmoorde vind nie plaas nie!Ek hoop die’ geval sal in die buiteland aangemeld word deur iemand.

Lee

Dit breek my hart om die berigte te lees, ons is nou 3 maande in Australia, en ek volg die nuus, is daar enige manier wat ons die berigte in Eng kan kry laat ons dit kan versprei die kant.

susan

Elke dag net meer en meer plaasmoorde en wat word gedoen deur ons sogenaamde regering (roof kamtig -vat net die goed en loop, waarom moor en aanrand.)
Nooit hoor mens van moord op ander plase van ander rasse, maar net wittes.
Ons land is in sy glorie, mag God ons almal help en gou verligting bring.