Cele reageer oor EFF-dreigemente

Popcru sê Malema se uitlatings is ‘n oproep tot geweld teen polisielede en hul gesinne. (Foto: EFF/Twitter)

Bheki Cele, die minister van polisie, het reageer op die EFF se dreigemente dat hulle polisiebeamptes en hul gesinne in hul huise sal uitdaag.

Cele het die uitlating veroordeel en beskryf dit as onverantwoordelik en doen ʼn beroep op polisiebeamptes om hulself te beskerm indien hulle op enige manier bedreig word.

Maroela Media het vroeër berig Julius Malema, leier van die EFF, het oor die naweek direkte geweld teen polisiebeamptes en hul gesinne aangemoedig.

Cele het gesê hy wil Suid-Afrikaners verseker dat sulke dreigemente nie ligtelik beskou word deur die Suid-Afrikaanse Polisiediens nie. “Ek dink die EFF-leier het ʼn lyn oorgesteek. Jy kan nie die polisie dreig en dink hulle gaan net met arms gevou staan nie. Die werk van die polisie is duidelik in die Grondwet uiteengesit – om te beskerm, misdaad te voorkom, dit te bestry en te ondersoek,” het hy bygevoeg. “Die polisie is ook daar om die wet te onderhou en af te dwing. Niemand het die reg om die polisie te dreig terwyl hulle hul werk doen nie.”

Hy is vol vertroue dat polisiebeamptes bekwaam is om hulself te verdedig indien hulle aangeval word. “Die bedreiging van polisiebeamptes en hul families sal nie geduld word nie. Wetstoepassers kan nooit gebruik word as ʼn lokval vir politieke myle nie.”

Die polisievakbond Popcru het vroeër uitgevaar oor Malema se uitsprake. Malema het in Mohokare tydens ʼn saamtrek gesê die polisie dink hul uniform gee aan hulle ʼn vorm van meerderwaardige mag. “Ons sal julle sien nadat julle die uniform uitgetrek het, snags in julle huise …” het die EFF-leier gesê. “Ons sal hulle op dieselfde manier behandel as wat ons in die 80’s gedoen het. Ons sal hulle nie net by protesoptogte die stryd aansê nie, ons sal na hulle huise toe gaan en hulle in hul eie huise saam met hul eie gesinne uitdaag. Ons is nie bang vir die polisie nie… blêddie lafaards. Ons sal kom vir julle. Een vir een in julle eie gemaksones.”

Popcru het die opmerkings as neerhalend bestempel teenoor die rol wat die polisie speel in die handhawing van openbare orde.

Richard Mamabolo, woordvoerder van Popcru, het gesê Malema uiter ook verdere dreigemente wat moontlik kan lei tot onregverdigbare aanvalle in gemeenskappe op polisiebeamptes en hul gesinne. Hy sê Suid-Afrikaners kan nie aangemoedig word om wapens teen mekaar op te neem nie. “Ons doen ʼn beroep op Malema om hom van sulke dreigemente te weerhou.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

85 Kommentare

jongste oudste gewildste
Frannie

Asof Malema hom nou aan Cele sal steur. Gmf.

Persheks Adri

Ek hoop die polisie manne is reg vir die dreigemente asook ons as burgers, want die Mal-emma kan mos maak wat hy wil pffft! Waar is die MRK nou? Ek sien nêrens dat hulle hom probeer aan vat nie…… O ja 2 stelle reëls is mos van toepassing

Punisher

“Cele het die uitlating veroordeel en beskryf dit as onverantwoordelik en doen ʼn beroep op polisiebeamptes om hulself te beskerm indien hulle op enige manier bedreig word.”

En so ook vir die res van die bevolking beskerm jul op enige manier as jul bedreig word !!!!!! En sê ook sommer wat jy wil want “Freedom of speech” word sonder gevolge gebruik maar moet net nie n boer wees nie.

Hoekom

“Om die wet af te dwing.” Interesante woord keuses…

Chris dupreez

Cele, doen nou vir eenkeer iets goeds en sit malema ordentlik op sy plek, in die selle