Covid-19: Syfers styg nog landwyd

Verpleegsters by die Charlotte Maxeke-hospitaal in Johannesburg. (Foto: GCIS)

Suid-Afrika het Vrydag ʼn verdere 22 443 nuwe Covid-19-gevalle aangeteken. Die meeste hiervan was weer eens in Gauteng, waar 11 000 nuwe gevalle aangeteken is. Dié provinsie se hospitale steier reeds die afgelope maand weens ʼn styging in hospitaalinnames as gevolg van Covid-19. Dit lyk wel asof nuwe gevalle in dié provinsie sedert die begin van die week effens begin afneem het.

In ander provinsies neem die getal daaglikse gevalle egter steeds toe. In die Wes-Kaap is 3 215 nuwe gevalle aangeteken. Dit is die meeste daaglikse gevalle wat in dié provinsie aangeteken is sedert die derde vlaag van infeksies Suid-Afrika getref het. In KwaZulu-Natal en Limpopo het net meer as 1600 mense positief getoets.

 

ProvinsieNuwe gevalle
Oos-Kaap695
Vrystaat547
Gauteng11 680
KwaZulu-Natal1 694
Limpopo1 651
Mpumalanga1 225
Noordwes1 441
Noord-Kaap295
Wes-Kaap3 215

Só lyk die daaglikse inentingskoers. (Foto: NICD)

Altesaam 29,5% van die mense wat vir Covid-19 getoets het, het positief getoets. Die koers waarteen mense positief toets was reeds teen einde Junie, toe ʼn aangepaste vlak 4 van afsondering ingestel is, tussen 27% en 31%.

Soveel as 374 nuwe sterftes is ook aangeteken. Dit sluit in die burgemeester van Johannesburg, Geoff Makhubo, wat twee weke gelede weens Covid-19 in die hospitaal opgeneem is.

In die afgelope 24 uur is 869 mense in hospitale landwyd opgeneem. Die meeste Covid-19-pasiënte, 9 822, is tot dusver in private hospitale opgemeen terwyl 6 464 pasiënte in staatshospitale opgeneem is.

Gister is 175 740 mense ingeënt. Dit beteken 4 203 293 Suid-Afrikaners is tot dusver teen Covid-19 ingeënt.

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

33 Kommentare

jongste oudste gewildste
Renier johannes

Sal nie af kom nie want hulle kaders maak net wat hulle wil

Chef

Dit sal interesant wees om die statistiek van nuwe infeksies van persone wat alreeds inge-ent is ook weer te kan gee. Dit is opvallend dat die koers van inenting (gradiënt) ooreenstem met die van nuwe infeksies. Vra maar net.

annie

Skynbaar is die raat aan covid-positiewes wat tuis aansterk basies die gebruik van sink en vitamiene C-tablette om immuniteit te bou plus rus en gesond-eet. Volgens ‘n artikel in Lancet probeer dokters nou wanneer kieme juis gedy in die covid-klimaat oa met longontsteking ea, antibiotika weghou op grond van glo bevindinge oor oormatige gebruik. Dit wil tog blyk dat in sekere gevalle mense kon baat. Antibiotika was in 1918 ‘n onbekende en nou weier dokters om dit te gebruik. Iets ruik dus na rot.

Oom Dawie

Gauteng net die hoogste omdat meer gevalle hier rapporteer word

Hennie

Dis maar net die getoetste getalle. Die infeksie koers is BAIE hoër as dit. En wie kan ons bedank – aan die slaap ANC regering. Dinge gaan nog baie erger word.