Derde boer op een dag vermoor

misdaad-polisie-crime-scene-kent-williamson-5

Argieffoto: Kent Williamson

Drie boere is Dinsdag in Suid-Afrika vermoor.

“Hoewel inligting nog min is, het ons bevestiging gekry dat ʼn opkomende jong boer vanmiddag in die Griekwastad-omgewing doodgeskiet is,” het Marius Muller, nasionale operasionele koördineerder van AfriForum, Dinsdagaand aan Maroela Media gesê.

Die boer is na bewering omstreeks 17:00 glo deur een van sy plaaswerkers geskiet, waarna dié sy bakkie gesteel en weggejaag het. Die werker het glo ʼn ongeluk met die voertuig gehad en is in hegtenis geneem.

Die boer se naam kan nog nie bekend gemaak word voordat sy naasbestaandes van sy dood in kennis gestel is nie. Die motief vir die moord is nog nie bekend nie. Lees die opvolgberig hier.

Maroela Media het navraag by die Noord-Kaapse polisiewoordvoerder gedoen en wag nog vir amptelike terugvoer.

Dié derde moord op ʼn plaas op 31 Oktober 2017 volg skaars ʼn dag nadat duisende Suid-Afrikaners landswyd die strate ingevaar het om teen plaasmoorde te betoog. Die Swart Maandag-optogte het gevolg ná die moord op Joubert Conradie (47), ʼn druiweboer van die Klapmuts-omgewing in die Wes-Kaap. Chris Loubser, ʼn vriend van Conradie, het daarna in ʼn hartroerende video ʼn beroep op die publiek gedoen om Maandag swart aan te trek ter ondersteuning van die land se boere.

Maroela Media het vandag berig ʼn boer is teen 12:30 op ʼn plaas net buite Fochville in Gauteng doodgeskiet. Willie Barnard is na ʼn hospitaal gehaas nadat hy geskiet is, maar het op pad daarheen aan sy wonde beswyk.

Volgens kol. Lungelo Dlamini, provinsiale polisiewoordvoerder van Gauteng, het die voorval plaasgevind toe die twee aanvallers glo vir plaaswerkers vir water gevra en die werkers hulle na die huis geneem het om vir hulle water te kry. “Die aanvallers het toe net losgebrand. ʼn 63-jarige boer is doodgeskiet,” het Dlamini gesê.

Dit volg nadat Barry Baars (55) se liggaam vanoggend op ʼn wildsplaas tussen Ficksburg en Rosendal in die Vrystaat aangetref is.

Kol. Thandi Mbambo, provinsiale woordvoerder van die polisie, het aan Maroela Media gesê Baars se werknemers het omstreeks 09:00 op sy liggaam afgekom waar dit in komberse toegedraai was.

“Ons voorlopige ondersoek dui daarop dat daar met ʼn klein kluis in die kombuis gepeuter is, maar niks is daaruit gesteel nie. ʼn Groot kluis in die slaapkamer is oop aangetref met die sleutel steeds in die deur. Daar was vuurwapens en weermagklere in dié kluis,” het Mbambo gesê. Die Ficksburg-polisie ondersoek ʼn saak van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Pietman

Weerhou belasting. Alle boere. Gebruik geld om persoonlike veiligheid. Indien alle boere dit doen is daar niks wat die regering sal kan doen nie. Hulle sal 30000 boere moet arresteer. Sal miljarde aan inkomste verloor en moontlik. ‘n voedselkrisis beleef.

Jaco

En so begin hulle om n punt te maak. Die staat en politisie gee hul dan toestemming! Julle gaan ons volkie nie breek of laat twyfel nie

Sue

As ek hier kommentaar gaan lewer gaan ek myself incriminate…. Niks wat hier gesê kan word om die hartseer van die families beter te maak nie… En tog bid ons met elke maaltyd…”Vir spys en drank sê ons aan U die dank” Ironies

Raymond Lombard

Witmens, word wakker! Ek het wakker geword, hier is moeilikheid. Daar is goeie swart ouens daarbuite, maar die aanslag het reeds begin. Kyk FB se opmerkings teenoor blankes, sien adjunk minister van Polisie se opmerking teenoor Swart Maandag, word wakker witman. Jy dink jy is oraait, jy is nie. As jy wit is, is jy ook ‘n boer. Word wakker!!

Wiehan

Kyk na al die moorde op Afrikaners. Onthou wat Siener gesê het van hoe ons uitgemoor gaan word. Dit gebeur nou, maar we erens is ons te slapgat om iets daaraan te doen.