Dricus du Plessis en Stan Mars van Good Hope FM. (Foto: Verskaf)
Suid-Afrika se eie UFC-kampioen Dricus “Stillknocks” du Plessis sal graag Israel Adesanya volgende in die hok wil pak. Maar hy wil dit op tuisbodem doen.
Die 30-jarige Pretorianer glo die tyd het aangebreek vir UFC om na Suid-Afrika te kom.
“Indien dit nie nou is nie, wanneer dan?” het hy Vrydag in die verbygaan aan die radiopersoonlikheid Stan Mars van Good Hope FM gevra.
Du Plessis is tans op sy titeltoer in Kaapstad en kan nie uitgepraat raak oor die ondersteuning wat hy van oral in Suid-Afrika ontvang nie.
“Suid-Afrika, hulle weet nie wat ons weet nie … [Suid-Afrika] is die ongelooflikste land in die wêreld. Van kultuur tot sport … ons hoef nie te gaan nie. Ons hoef nêrens heen te gaan nie. Ons kan dit net hier doen. Van ons tuisbodem af.”
Du Plessis is vanmiddag tot 17:30 by die V&A-waterfront in die Moederstad as deel van sy titeltoer voordat hy Saterdagmiddag ʼn draai in die Jakarandastad by Menlyn Maine sal maak.
Maroela Media het vroeër berig Du Plessis het ʼn week of twee gelede in die UFC-hok amok gemaak toe hy die VSA se Sean Strickland in die middelgewig-titelgeveg in Toronto oorrompel het.
My woorde skat se wen of
Afgereken, nie oorrompel nie