Foto’s: Theresa May kom in Kaapstad aan

Theresa May, die Britse eerste minister, kom Dinsdagoggend (28 Augustus 2018) in Kaapstad aan. Foto: Twitter via @PresidencyZA

Theresa May, die Britse eerste minister, het Dinsdagoggend in Kaapstad aangekom vir haar amptelike besoek van een dag aan Suid-Afrika.

May, wat deur pres. Cyril Ramaphosa ontvang is, word vergesel deur ʼn afvaardiging van meer as 20 Britse sakemense. Dit is die eerste keer sedert 2011 dat ʼn dienende Britse premier Suid-Afrika besoek.

Die presidensie het Maandag in ʼn verklaring gesê May se besoek volg op die vergaderings tussen haar en Ramaphosa tydens die Statebond se beraad van staatshoofde in April in Londen en die G7-beraad in Kanada in Junie.

“Gedurende die bilaterale vergaderings het die twee leiers potensiële vennootskappe tussen Suid-Afrika en die Verenigde Koninkryk (VK) bespreek en pogings aangewend om die bilaterale handels- en beleggingsverhoudinge te versterk,” het die presidensie gesê.

Theresa May, die Britse eerste minister, kom Dinsdagoggend (28 Augustus 2018) in Kaapstad aan. Foto: Twitter via @PresidencyZA

Lindiwe Sisulu, minister van internasionale betrekkinge en samewerking, het Maandag gesê die VK en Suid-Afrika het ʼn historiese sterk handelsverhouding. In 2017 was die VK Suid-Afrika se sesde grootste internasionale handelsvennoot. “Die VK is ook met R33,2 miljard Suid-Afrika se agtste grootste invoerder,” het Sisulu gesê.

Volgens Sisulu sal May ook tydens haar besoek die SS Mendi se klok aan Ramaphosa oorhandig om die opoffering te gedenk van meer as 600 Suid-Afrikaners wat gesterf het toe die SS Mendi meer as 100 jaar gelede in die Engelse Kanaal gesink het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

48 Kommentare

jongste oudste gewildste
Erick

Die koningin haar gestuur om te kom Kyk wat gaan hier aan?

Moggy

My jitte, vanoggend het die Britse koerant aanlyn nie gekik of gemik oor hierdie blitsbesoek nie. Ons waardeer die reën maar dis tog jammer dat die berg nie mooi oop is nie – dis ‘n wonderlike gesig om te sien as jy inkom om te land. Wonder hoe het die samesprekings tussen haar en Rampie gegaan!

Jean

Sy gaan na dese weer vir almal vertel dat SA ‘n heerlike, veilige en vooruistrewende land is. Om met die ANC te vergader, is soos om saam te braai met die duiwel.

Marius

Te midde van die sake leiers wat saamkom hoop ek die bedreiging van eiendomsreg in SA word ook bespreek.

Plaasaanvalle

Jy is reg Jean
hoop iemand gee haar ‘n update oor die plaasaanvalle.