Hofdatum bekend vir DA-saak oor Rampbestuurswet

Nkosazana Dlamini-Zuma, minister van samewerkende regering en tradisionele sake. (Foto: Kopano Tlape/GCIS)

Die hofsaak tussen die DA en die minister van samewerkende regering en tradisionele sake, Dlamini Zuma, sal op 8 en 9 Februarie in die Gautengse hooggeregshof aangehoor word. Die DA betwis die grondwetlikheid van die Nasionale Rampbestuurswet.

Die DA het in Mei aangekondig dat hulle hul tot die hof wend rakende die voortgesette algehele landwye afsondering wat die Covid-19-pandemie bekamp. Dit is reeds tien maande later en die Nasionale Ramptoestand, wat die afdwing van afsonderingsregulasies moontlik maak, is steeds van krag.

Die DA het hom aanvanklik tot die Konstitusionele Hof gewend, maar dié hof het die aansoek in Julie van die hand gewys op grond daarvan dat dit nie “in die belang van geregtigheid is” vir die Konstitusionele Hof is om die saak aan te hoor nie.

Die DA voer in hofstukke aan dat die wet aan Dlamini-Zuma “buitensporig baie mag gee”.

Die hofsaak sal deur middel van ʼn video-uitsending deur Microsoft Teams plaasvind.

Afhangend van die verloop en uitslag van die hofsaak sal die DA vanjaar konsepwetgewing voorberei om die Rampbestuurswet te wysig om ʼn toekomstige inperking onder parlementêre beheer te plaas, het Maroela Media vroeër berig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Hennie J

Nou wat probeer hulle eintlik bereik behalwe om geld te mors. Ek wil graag die regter sien wat in hulle guns sal besluit.

Die Wolf

Kan dalk baie skelmstreke verhoed.

Casper

Mnr Ssteenhuisen het jy ‘n merkbare oplossind anders as die afsonderingsmaatreëls wat die verspreiding van die infeksies kan hokslaan.Moet die regering maar gods water oor gods akker laat loop en hoop van die beste.Nee Mnr.Steenhuisen dit gaan nie die pandemie keer nie.Hierdie coronavirus is realiteit en maak baie mense dood.Ek steun die afsonderingsmaatreëls tenvolle.Al wat ek nie mee saamstem nie is die drankverbod.Daar is miljoene mense in die bedryf wat nou werkloos is en dit verhoor armoede en daar stem ek saam dat tannie met die kopdoek nie gedink het nie.

SjN

Die foto spreek boekdele wat integriteit aanbetref, dit is hoekom ons rommelstatus verdien.

Frederik C

Al baie gewonder wat het die Dokter/Doktor in haar tesis geskryf. Moontlik het haar ex die tesis geskryf. Hehehehehehehehehehehe!!!!!!