Die land se hoogste hof dink óók oudpres. Jacob Zuma behoort terug te gaan tronk toe.
Die Konstitusionele Hof het Donderdag Zuma se verlof tot appèl met koste van die hand gewys en dus bevestig dat die mediese parool wat Arthur Fraser, die voormalige kommissaris van die departement van korrektiewe dienste (DKD), in September 2021 aan die oudpresident toegestaan het, onwettig was.
Dít volg nadat die DA, AfriForum en die Helen Suzman-stigting in 2021 ʼn dringende hofaansoek beteken het in die saak wat die vrylating van Zuma op mediese parool aangevat het.
Die vraag is egter nou of die oudpresident weer die tronkdeure agter hom gaan hoor toeswaai of nie.
Die appèlhof in Bloemfontein het in November verlede jaar Zuma en Fraser se appèlaansoek oor Zuma se vrylating op mediese parool met koste van die hand gewys.
Zuma en die DKD het geappelleer teen die Pretoriase hooggeregshof se beslissing van 2021 dat Zuma se vrylating op mediese parool onregmatig was en dat hy die res van sy vonnis moet uitdien.
Zuma was van mening dat die uitspraak duidelik verkeerd is en dat daar ʼn sterk moontlikheid is dat ʼn hoër hof tot ʼn heeltemal ander gevolgtrekking sou kom.
Die Konstitusionele Hof het egter nou bevind daar is geen redelike vooruitsigte op sukses wat Zuma se appèl betref nie.
AfriForum het Donderdag in reaksie op die jongste uitspraak gesê Zuma moet terug tronk toe om sy volle vonnis dáár deur te bring.
“Geen politikus mag bo die wet geag word nie. Die onwettige wyse waarop Zuma sy tronkstraf ontsnap het, beteken hy het steeds ʼn vonnis wat hy agter tralies moet uitdien,” sê Ernst van Zyl, veldtogbeampte vir strategie en inhoud by AfriForum.
Dit wil ek nog sien!
Hopenlik lewenslank maar hoe lank was sy oorspronlike vonnis..en hoe lank is dan nog uitstaande.
Sal seker weer n lot betogings veroorsaak…
Dan weet ons presies wie die main brain agter dit is en hom sommer daarvoor ook verantwoordelik hou en vonnis.
En dié wat glo dat hy werklik agter tralies was, glo ook seker die maan is van kaas gemaak.
Laat hy terug tronk toe asb.
Is dit dalk hoekom trokke brand
Nee, ek dink nie so nie, Die probleem is trok-eienaars behandel hul bestuurder nie reg nie, betaal hulle nie wat verskuldig is nie. En as die trok breek, dan word die bestuurder veranntwoordelik gehou, asook soveel ritte word ingeryg, dat die bestuurders sien amper NOOIT hulle gesinne nie.
Die hele anc en hul kiesers hoort op Robben eiland.
Wat se vraag is dit wat nou ontstaan, die hof het dan so beslis.
Dit is dieselfde regstelsel wat bevind het smiley is onskuldig ne?
Hierdie is nou dieselfde KH wat Zuma onwettig gevonnis het. Wat ‘n sirkus-is hulle ook bo die wet verhewe?
Nou gaan KZN weer brand?
Wat gaan nou gebeur, gaan hy by die huis bly.
Nou wil ek weet watse straf Arthur Fraser gaan kry, hy het sy magte oorskry! jz MOET VIR HOM KRY!
Mos gedink hy is bo die wet verhewe.
Wat gaan hier aan? Die man moes twintig jaar gelede al in die tronk gewees het.
Alles van Zuma’s is onwettig tot sy korupte presidentskap!