Konsert met Steve Hofmeyr gekanselleer

Emerald Resort & Casino in Vanderbijlpark het die Afrikaans in die Vaal-konsert gekanselleer.

Die konsert is om veiligheidsredes gekanselleer, aldus Mark Hands, besturende direkteur van Emerald Resort & Casino.

Steve Hofmeyr en Refentse Morake sou op 30 Maart by Emerald Resort & Casino opgetree het. Volgens Hands is die konsert egter afgestel op aanbeveling van die plaaslike polisie en Emerald Resort & Casino se veiligheidsdienste.

“Ons vra om verskoning vir enige ongerief wat dit kan veroorsaak. Hierdie besluit is nie ligtelik geneem nie en ons verstaan dat sommige gemeenskapslede uitgesien het na ʼn aand van vermaak. Daar is egter op grond van raad van en besprekings met die plaaslike polisie, asook hul assessering oor die moontlikheid van geweld besluit om die konsert te kanselleer.”

Hands het gesê die veiligheid van gaste en personeel is van sleutelbelang. “Ons sal geen vorm van diskriminasie, haatspraak of vooroordeel duld wat tot besering, emosioneel of fisiek, kan lei nie, maak nie saak hoe gering nie.” Mense wat reeds kaartjies gekoop het vir die vertoning sal vergoed word.

Afrikaans in die Vaal is nie deel van die Afrikaans is Groot-konsertreeks nie.

Die kansellasie van die konsert kom egter kort nadat die selfoonnetwerkreus MTN aangekondig het dat hy alle bande met die Afrikaans is Groot-handelsmerk verbreek het, ná versoeke op sosiale media omdat Hofmeyr by die konserte optree.

“AIG se voortgesette verbintenis met Steve Hofmeyr help MTN nie om sy doelwitte na te streef nie,” het die selfoondiensverskaffer in ʼn verklaring gesê.

Panyaza Lesufi, LUR vir onderwys in Gauteng, het MTN op sosiale media versoek om sy borgskap vir AIG op te skort.

Die direksie van Afrikaans is Groot het in ʼn verklaring gesê hy vermoed die hele debakel is ’n strategie wat moontlik verband hou met die komende verkiesingsveldtogte van sekere groepe.

Die Afrikaans is Groot-konserte het die naweek in Kaapstad plaasgevind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

147 Kommentare

jongste oudste gewildste
Diertjie

Al wat ek uit die hele gemors kan aflei is dat dit rassisme teenoor die blankes is. Malema Kan se en doen wat hy wil en geen haan sal daaroor kraai nie. Maak my siek

Pieterpan

En so kom die ware kleure uit van almal. Ek se MTN must fall en so ook Emerald

Rita

Kom ons boikot MTN.

Eben

Ek is jammer ek sal nie my MTN kontrak hernieu nie. MTN speel big brother en word deur pilitici, wat korrupt en rassisties is, gemanipuleer. Plaas hierdie mense skenk eerder aandag aan beurtkrag.

Anel

Jaloesie! Dis om van siek te word. Steve het nog geen persoon gedreig met moord nie masr Malema en kie doen dit gereeld en hulle “vergaderings” word nie gekanselleer nie. Hulle is net bang vir groot groep Afrikaaners bymekaar.