Leerders geskors ná vuiste by skool klap

‘n Skermskoot uit die video. Die foto is deur Maroela Media verbloem om die leerders se identiteit te beskerm.

Die Gautengse LUR vir onderwys, Panyaza Lesufi, het Vrydag die Hoërskool President in Ridgeway, Johannesburg, besoek waar twee leerders tydelik geskors is.

Lesufi se besoek volg ná ’n video wyd op sosiale media versprei is waarin gesien kan word hoe die vuiste behoorlik tussen leerders van die skool klap. Die video wys hoe die een leerder die ander een herhaaldelik slaan voordat die leerder eindelik op die grond val.

Die Gautengse departement van onderwys het Vrydagoggend op sy amptelike Twitter-profiel bevestig dat twee leerders in verband met dié video geskors is. “Ons is hier [by die skool] om die konteks van die voorval te verstaan wat in dié stadium daarop dui dat dit ’n geïsoleerde en nie ’n rasgemotiveerde voorval was nie,” sê die departement.

“Ons het ’n verantwoordelikheid om elke leerder te beskerm,” het Lesufi tydens sy besoek gesê. “Ek sal geen vorm van rassisme of boeliegedrag in ons skole duld nie.”

Die skool en departement het ook ooreengekom dat daar voortaan agt toesighouers in plaas van vier gedurende pouses op die skoolterrein teenwoordig moet wees.

Lesufi sê hy is bekommerd dat niemand probeer ingryp het toe die leerders baklei het nie en meen dit dra ’n baie slegte boodskap uit. Hy sê hy veroordeel egter nie die persoon wat ’n video van die voorval geneem het nie. “Was dit nie vir sosiale media nie, sou ons nie dié voorvalle kon sien en behoorlik aanraak nie.”

Volgens Lesufi wil die departement in die afwesigheid van beeldmateriaal steeds ingelig word oor wat in Gautengse skole aangaan. “Die departement beskik oor stelsels in skole om alle leerders te beskerm en voorvalle te hanteer namate dit opduik. Dit sal egter onmoontlik wees om te voorspel waar die volgende voorval gaan gebeur, daarom het ons spanne om alle platforms te monitor,” sê die LUR.

’n Dissiplinêre verhoor sal op 31 Januarie plaasvind en die departement sê hy sal hom deur die uitkoms van dié verhoor laat lei. Lesufi sê die verhoor sal die leerders ’n geleentheid bied om hul kant van die saak te stel. “Tot dan kan ons nie tot ’n gevolgtrekking kom oor die voorval nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

70 Kommentare

jongste oudste gewildste
Chris

Maroela, Lesufi het vanoggend daar aangekom, maar die bakleiery het al reeds Disdag plaasgevind, waarna die skool hulle dieselfde dag nog geskors het.

P

Skors albei genade tog dis vreeslik hoe dit gaan in skole

Lekker lag

Definetief ‘n “split decision”…..

karen

bekommerd omdat niemand probeer ingryp het toe die leerders baklei het nie ……. want die wat probeer ingryp word ingesleep by die gemors en moontlik die gehou as die varke in die verhaal…… my kinders word geleer om nie self betrokke te raak nie en eerder iemand senior te gaan roep

NICKEY VAN NIEKERK

Ek is seker nou mostert na die maal,, maar vat die krieket storie van rassime darem nou nie die ding te ver nie. Waarom is die mense so verdomp gevoelig oor hul velkleur?