Mosambiek óók reg om burgers weens geweld uit SA te neem

ʼn Gebou in Malvern wat Sondag aan die brand gesteek is. (Foto: Twitter via @AsktheChiefJMPD)

Mosambiek het nou ook sy stem gevoeg by die koor Afrika-lande wat hul burgers teen die situasie in Suid-Afrika gewaarsku het, of gereed maak om hul burgers uit die land te neem.

Die Mosambiekse president, Filipe Nyusi, het volgens STV Noticias gesê sy land tref voorbereidings vir die repatriasie van honderde Mosambiekers uit Suid-Afrika, nadat voortslepende geweld hier gelei het dat soveel as 500 van dié land se burgers dakloos gelaat is.

Nigerië het ook berig dat meer as 600 van sy burgers gereed staan om terug te keer na dié land.

Suid-Afrikaanse ministers het gister ʼn spesiale veiligheidsvergadering gehou en onderneem om onwettige immigrasie na Suid-Afrika te stuit.

“Wat betref die indiensneming van ongedokumenteerde buitelanders, gaan ons toeslaan op private sakeondernemings wat nie by arbeids- en immigrasiewetgewing hou nie. Binnelandse sake, die polisie en departement van arbeid gaan inspeksies verskerp,” het die ministers in die veiligheidsgroepering gesê.

Die polisie het intussen gesê honderde mense is nou reeds weens die geweld in hegtenis geneem, terwyl minstens vyf burgers van ander Afrika-lande hier vermoor is.

Ghana het bevestig dat drie van sy burgers beseer is en nog vyf in hegtenis geneem is, terwyl Kenia gesê het twee van sy burgers is hier vermoor.

Abike Dabiri, hoof van die Nigerians in Diaspora Commission, het ʼn beroep op Suid-Afrika gedoen om mense wat deur die geweld geraak is te vergoed, ʼn oproep wat Nigerië se laerhuis gesê het hy ook ondersteun.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

77 Kommentare

jongste oudste gewildste
Alex

He he he….

Rowan Grobler

Owerhede moet buitekanders, wat onwettig in die land is, vastrek en deporteer.

humor

Hoe ver moes hierdie onbeheersde grens oorspoeling toegelaat word voordat die regering se oe stadig begin oopgaan. Hierdie gebeure is n geweldige aanklag teen die ANC regering. SA het reeds so ontaard in n donker helhool dat sels Afrikalande in mees vervalle toestand nie meer kans sien om hul burgers daaraan blood te stel nie.

ES

Jy weet jou land is verdoem as ander Afrika lande hul burgers onttrek…

Een van my kollegas het my vertel dat haar huishulp se man ‘n klein spaza winkel bedryf wat die afgelope naweek saam met hul huis tot op die grond afgebrand is – en hulle is burgers van ons land wat afkomstig is van Limpopo. Die skare wou niks weet nie, hul het die winkeltjie en die huis afgebrand…

Totale anargie…

Clipper

Dit is n skande en n swart klad op ons naam. Die swak grensbeheer deur die anc het die mense toegang tot die land gegee en nou verdryf ons en vermoor ons mense hulle. Ek skaam my vir die land wat ek eenmaal met my lewe sou verdedig het. Ek skaam my ook vir ons patetiese regering