Daar is nog ʼn paar nat dae wat vir Suid-Afrikaners voorlê, maar teen die naweek behoort die voortdurende reën effe te bedaar.
Swaar reën- en donderbuie word Woensdag, Donderdag en dalk nog Vrydag oor groot dele van die land verwag.
Die Suid-Afrikaanse Weerdiens (SAWD) het Woensdag twee weerwaarskuwings uitgereik vir ontwrigtende reën wat dalk tot oorstromings kan lei.
ʼn Oranje vlak 5-waarskuwing is aan die kus en noordelike dele van KwaZulu-Natal uitgereik, terwyl ʼn geel vlak 2-waarskuwing oor die westelike en suidelike binneland van KwaZulu-Natal van krag is, asook Mpumalanga, Limpopo, Gauteng en die oostelike dele van Noordwes en die Vrystaat.
Die weerdiens maan dat informele strukture en laagliggende brûe dalk in al dié provinsies kan oorstroom weens die voortdurende reënval.
Severe weather Alerts for Today, 17 January 2024:
A. Yellow Level 2 (High likelihood of minor impacts): Disruptive rainfall in the east.
B. Orange Level 5 (Medium likelihood of significant impacts): Disruptive rainfall over north-eastern and coastal areas of KwaZulu-Natal. pic.twitter.com/FtDmizoJnH
— SA Weather Service (@SAWeatherServic) January 17, 2024
Volgens die weerdiens gaan Woensdag se reënval hoofsaaklik in en om Richardsbaai, Bethlehem, Polokwane en Pretoria plaasvind, waarna dit na die res van die land sal uitkring.
Dele van Oos-Londen, Aliwal-Noord, Bloemfontein en Mahikeng het Woensdag ʼn 60%-kans op reën, terwyl Kimberley, De Aar, Graaff-Reinet en George ʼn 30%-kans op reën het.
Die weerdiens sê ondanks die swaar reënval kan die meeste dele van die land steeds warm temperature verwag.
????Weather Forecast for Today, 17 January 2024:
Cool in the south-east, otherwise partly cloudy and warm to hot with isolated to scattered showers and thundershowers but widespread over the eastern interior where it will be cloudy. It will be fine in the north-west. pic.twitter.com/CqNCiVtCfw
— SA Weather Service (@SAWeatherServic) January 17, 2024
Teen Donderdag gaan die reën oor die Vrystaat oorwegend opklaar en verder na die noorde beweeg.
Musina het Donderdag ʼn 80%-kans op reën, Pietermaritzburg ʼn 60%-kans op reën en Johannesburg ʼn 30%-kans op reën.
Dié dele gaan eindelik afkoel en maksimum temperature van 25 °C of selfs laer bereik.
⛈️????️Fine in the west, otherwise, partly cloudy and warm with scattered to isolated showers and thundershowers in the east but widespread over the northern areas of Limpopo. #saws #weatheroutlook #southafricanweather pic.twitter.com/pviaSMINCF
— SA Weather Service (@SAWeatherServic) January 16, 2024
Die weerdiens sê die reën sal na verwagting Vrydag oor groot dele van die land opdroog. Slegs gebiede aan die kus van KwaZulu-Natal en aan die grens van die Noord-Kaap kan ʼn 30%-kans op reën verwag.
Weather outlook for Friday, ⛈️????️partly cloudy and warm, but cool in the east with isolated showers and thundershowers over the northern areas of the Northern Cape as well as along the east coast of KZN. #saws #weatheroutlook #southafricanweather pic.twitter.com/VAVu8Yl4d6
— SA Weather Service (@SAWeatherServic) January 16, 2024
Die weerdiens verwag sonnige en warm weer oor die naweek oor die hele land.
Dele van KwaZulu-Natal, wat veral die afgelope paar weke onder verwoestende reënbuie deurgeloop het, sal na verwagting sonnige weer en maksimum temperature van 26 °C hê.
Gauteng sal na verwagting van koel weer deur die week na uiterste warm temperature oor die naweek verander. Pretoria kan oor die naweek en tot in volgende week maksimum temperature van 31 °C verwag.
Reën, reën lieflike reën….dankbaar.