Ramaphosa verbreek stilte oor Rusland

Pres. Cyril Ramaphosa. Foto: Elmond Jiyane.

“Suid-Afrika staan ferm aan die kant van vrede in ʼn tyd wanneer nóg ʼn oorlog iets is wat die wêreld nié nodig het nie, en ook nie kan bekostig nie.”

Só lui pres. Cyril Ramaphosa se jongste nuusbrief waarin hy hy hom eindelik uitlaat oor die voortslepende konflik tussen Rusland en Oekraïne. Die president het tot nou toe geswyg oor Rusland se inval in Oekraïne en ’n petisie is selfs onlangs begin waarin hy versoek is om standpunt in te neem.

Ramaphosa sê nou hy glo dat onderhandelinge tussen Rusland en Oekraïne kán en móét plaasvind.

Ramaphosa meen Suid-Afrika se destydse bereik van demokrasie getuig daarvan dat vrede deur onderhandeling en nie noodwendig “deur die loop van ’n geweer” nie bereik kan word.

“Selfs oënskynlik onoplosbare verskille kan by die onderhandelingstafel opgelos kan word,” hou hy vol.

Suid-Afrika was juis weens dié standpunt een van 35 lidlande van die Algemene Vergadering van die VN wat verlede week buite stemming gebly het oor die resolusie waarin Rusland veroordeel is vir sy inval in Oekraïne en daar geëis is dat hy sy magte onttrek.

Oekraïense soldate
(Foto: Anatolii Stepanov/AFP)

Ramaphosa sê die Suid-Afrikaanse regering is bekommerd dat die VN se veiligheidsraad nie in staat is om sy verantwoordelikheid na te kom om vrede en veiligheid te handhaaf nie.

“Selfs voordat die resolusie verlede week by die VN aanvaar is, het samesprekings tussen Russiese en Oekraïense amptenare reeds begin. Suid-Afrika het verwag dat die VN-resolusie in die eerste plek die aanvang van dialoog tussen die partye sou verwelkom en sou poog om die voorwaardes te skep vir hierdie samesprekings om te slaag.

“In plaas daarvan is die oproep om vreedsame oplossing deur politieke dialoog gedelegeer tot ʼn enkele sin naby die einde van die finale teks. Dit verskaf nie die aanmoediging en internasionale steun wat die partye nodig het om voort te gaan met hul pogings nie,” meen Ramaphosa.

“Die VN-handves beveel lidlande om hul geskille op vreedsame wyse te besleg … Sedert die uitbreek van die konflik tussen Rusland en Oekraïne, was Suid-Afrika se standpunt om hierdie oproep te bevestig.”

(Foto: Anatolii Stepanov, AFP)

Ramaphosa sê Suid-Afrika se versoek vir onderhandeling en dialoog tussen Rusland en Oekraïne beteken hoegenaamd nie dat hy nié verbind is tot die beskerming van menseregte nie.

“Ons het sedert die uitbreek van die konflik ons kommer uitgespreek oor die impak daarvan op burgerlikes. Ons glo dat oorlog nie die oplossing vir konflik is nie en dat dit tot menslike lyding lei.

“Dit is ons hoop dat onderhandelinge tussen Rusland en Oekraïne positiewe uitkomste sal oplewer wat die weg baan vir ʼn einde aan die konflik.”

Ramaphosa sê voorts elke poging van die internasionale gemeenskap moet daarop gerig wees om samesprekings tussen Rusland en Oekraïne te ondersteun, en om die twee kante bymekaar te bring.

“Ons doen almal ʼn beroep op Rusland en Oekraïne om hierdie konflik aan bemiddeling te onderwerp en alles in hul vermoë te doen om ʼn ooreenkoms te bereik wat sal lei tot die beëindiging van vyandelikhede.

“Rusland en Oekraïne – twee bure wie se geskiedenis, volke en lotgevalle onlosmaaklik verbind is – verdien ʼn vrede wat duursaam, volhoubaar en blywend is.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

56 Kommentare

jongste oudste gewildste
casper

Man Ramaposer – jy en jou hele klomp skelm boeties is alles verskuldig aan Rusland en sal NOOIT enigiets se of doen om julle meesters se gevoelens seer te maak nie !!

Anel

Sovêr ek verstaan het Rusland Oekraïne binne geval en nie andersom nie. Mense vlug uit Oekraïne. Dar het nog nie ‘n bóm in Rusland geval nie. Niks is daar vernietig nie en geen mens is daar gedood of beseer nie. So wat nou? Neem standpunt in teen Rusland. Maar om buite stemming te bly is so goed as om met Rusland saam te stem. Hoe dan anders? Dit is dan die ANC se bondgenote. Mag net nie teen hulle opstaan nie. Skuld is te groot!!!

Faraway

Putin dreig met kern . . . almal skree vrede . . . Skielik gaan ons oorval word

domheks

En so word Siener van Rensburg se voorspellings waar! Rusland sal oorlog begin!!

Manda

Daar is nie tyd vir samesprekings en lagotlas nie el Presidente. Dis ook nie SA waar baie praat nooit tot niks kom nie. Om ‘n vredesame opposing te kies is nie standpunt inneem nie. Dis om op die draad te bly sit.