Seun (5) steeds in mynskag, weermag maak verslag bekend

Foto: @EMMInfo/Twitter

Foto: @EMMInfo/Twitter

Die Suid-Afrikaanse weermag (SANDF) gaan glo ʼn verslag aan die Ekurhuleni-munisipaliteit oorhandig oor die moontlikheid om reddingspogings voor te sit vir die vyfjarige seuntjie wat verlede maand in ʼn ou mynskag geval het.

Maroela Media het vroeër berig dat Richard Tole Saterdag 25 Februarie in die Jerusalem informele nedersetting in Boksburg in ʼn ou mynskag ingeval het. Die SANDF het verlede Donderdag opgedaag om met die reddingspogings te help.

Die reddingspoging moes egter vinnig gestaak word omdat die swaar reën in die gebied die grond te onstabiel gemaak het.

Foto: @EMMInfo/Twitter

Foto: @EMMInfo/Twitter

William Ntladi, woordvoerder van die Ekurhuleni-nooddienste, het gesê hulle vermoed die seuntjie het saam met maatjies gespeel toe hy in die skag beland het. Volgens Ntladi is die skag sedert 1950 nie meer in gebruik nie.

Ntladi het gesê die kanse dat die seuntjie lewend gevind kan word, is baie skraal. “Dit gaan nie net oor die feit dat hy nie kos en water gehad het nie, maar ook oor die val en die toestande daar onder.”

Dis ook uiters gevaarlik vir reddingswerkers weens moontlike modder- en rotsstortings. “Die suurstofvlakke daar onder is ook glad nie voldoende vir mense nie en daar is suur mynwater wat tot 140 m diep kan wees,” het Ntladi gesê.

Gugu Ndima, woordvoerder van die Ekurhuleni-munisipaiteit, het gesê dat die weermag glo Woensdag die verslag sal bekendmaak rakende die volgende stappe wat beplan word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
botterblommetjie

Die regering is verantwoordelik vir daardie gat….Hy was oop en ‘n gevaar… sy ouers moet vergoed word en die seun ter ruste neergele word…. soveel manholes ens. is onbedek, more val die persoon wat sy skouers optrek se kind of kleinkind in so gat…. en dan.,..

Anton

Dit is hartverskeurend.

Varkie

Ek kan nie sien hoekom kan hulle nie van ver af n pen in die grond slaan en iemand laat af sak om net kos of water vir die een te gaan gee nie.. en ja ek weet dit was gevaarlik ens ens maar na n maand is die kanse maar skraal, hulle moes vroeer plan gemaak het

Christo

Wat gaan die on opgeleide Weermag regkry by n mynskag wat reddings werkers wat daarvoor opgelei is nie kan doen nie? Laat die weermag eerder ons grense beskerm waarvoor hulle te dik en oorgewig is en buiten dit te n hoë AIDS syfer het!!

m

Ek verstaan nie so lekker hoekom die weermag gemoeid is met hierdie situasie nie.