(Argieffoto: Hans Braxmeier/Pixabay)
ʼn Man en ses kinders is dood toe die motor waarin hulle gery het deur vloedwater op ʼn laagwaterbrug in die Steynsrus-omgewing in die Vrystaat meegesleur is.
Die voorval het Sondagoggend op die plaas Somerset-Oos plaasgevind. Volgens brig. Motantsi Makhele, polisiewoordvoerder, was daar drie volwassenes en sewe kinders in die wit Honda Ballade toe dit meegesleur is.
Mohau Mokoena en Swartbooi Hlongwane kon daarin slaag om uit die motor te kom en het oorleef.
Die liggame van Tshokolo Hlongwane (26), die bestuurder, en ses kinders, Thapelo Tekanya (4), Ntaoleng Mpeko (13), Relebohile Mpeko (9), Mojalefa Mosibi (12), Bokamoso Maphakisa (8), en Hopolang Monyatsi (6) is gevind. Nog ʼn kind, Karabo Kok (7), was teen laat Sondag nog soek.
“Dit is so hartseer vir enige ouer om ʼn kind op hierdie manier te verloor,” het lt.genl. Baile Motswenyane, provinsiale polisiekommissaris, gesê.
“Ons betuig ons meegevoel met al die gesinne wat deur hierdie tragedie geraak is.”
Steynsrus en Somerset-Oos is nie naby mekaar nie? So waar het dit gebeur?
Lees mooi, die plaas se naam is Somerset-Oos wat in Steynsrus-omgewing is.
????
Die plaas se naam is Somerset oos
Baie hartseer storie.
Jy speel nie met vuur en water nie. Die ou mense was reg. Ongelukkig tragiese einde
Chrystal op die plaas Somerset-Oos, in die Steynsrus distrik.
Tragiese storie. Die krag van water in vloed moet nooit onderskat word nie.
Dis so tragies – baie sterkte aan die familie
10 mense in die kar?? Dis verskriklik tragies. Arme families ..
10 Mense in ‘n Honda Ballade…..