Beurtkrag sal oor die naweek tot by fase 2 afgeskaal word, maar teen Maandagaand weer tot fase 4 verskerp word.
Eskom sê fase 4-beurtkrag sal Vrydag vanaf 16:00 tot Saterdag om 05:00 ingestel word. Daarna sal fase 3 tot en met die volgende oggend van krag wees.
“Teen Sondag om 05:00 sal beurtkrag verder afgeskaal word en fase 2 sal tot 16:00 ingestel word,” sê die kragvoorsiener.
“Fase 3 sal dan weer vanaf 16:00 Sondag tot 16:00 Maandag van krag wees, gevolg deur fase 4 wat Maandagaand sal geld.”
Hoewel die vraag na krag oor naweke afneem, is Eskom steeds genoodsaak om vir die grootste gedeelte van die naweek beurtkrag op fase 3 te handhaaf.
Dit is omdat twee opwekkingseenhede oor die afgelope 24 uur by die Arnot-kragstasie en een elk by die Duvha-, Kriel- en Medupi-kragstasie van lyn af geneem is vir herstelwerk.
Daar is boonop vertragings in die terugkeer van ʼn opwekkingseenheid elk by die Kendal- en Lethabo-kragstasie.
ʼn Opwekkingseenheid elk by die Kriel- en Tutuka-kragstasie is wel weer in diens geneem.
Altesaam 5 009 MW is tans weens beplande instandhoudingswerk nie beskikbaar nie, terwyl nog 15 827 MW weens onbeplande herstelwerk nie beskikbaar is nie.
Ek neem aan die nuwe Minister van Beurtkrag gaan van nou af die skedules bepaal en uitgee?
Korrek, en dan gaan nog n minister van beurtkrag verlaging die nuus oor n naweek gee van verlaagde beurtkrag en aankondig dat die minister van beurtkrag verhoging die Maandag sy skedule sal aankondig. Dan gaan hulle nog n kom en drink tee stig om hulle uiters bekwame opinie te lig oor hoekom dit apartheid se skuld is.
I don’t believe it.
Ag jinne besluit oor een spesifieke fase en flippin hou daar by.
Ja, en die skedules verander sonder kennisgewing.
Fase 2 word nie OOR die naweek ingestel nie, maar IN of GEDURENDE die naweek. Daar’s ‘n groot verskil. Fase 4 is nog vannag, fase 3 vir die hele Saterdag en eers Sondag word fase 2 ingestel!
So moet ons nou jubel? Nuttelose spul.
Daai skedules werk nie. Eskom dink ons is onnosel. Die minister van beurtkrag moet aan iets anners dink om ons te vlous.
Daar is nie geld nie maar die ding stel mense aan hoe vertraag kan jy nou regtig kry