Vraghouerskepe in die Durbanse hawe. (Foto: Transnet)
Transnet het herstelplanne begin implementeer met sy bedrywighede wat na ’n staking van 12 dae weer hervat het.
Volgens Transnet is tussen 70% en 80% van werkers terug by die werk met nog werknemers wat na verwagting oor die volgende twee dae weer sal begin werk.
Transnet en sy meerderheidsvakbond, die United National Transport Union (Untu), het uiteindelik ’n loonooreenkoms bereik. Dié driejaarloonooreenkoms is Maandag gesluit en bring ’n onmiddellike einde aan lede van dié vakbond se staking by Transnet.
Untu verteenwoordig 53,9% van dié staatsbeheerde onderneming se werkers.
Transnet is verantwoordelik vir Suid-Afrika se spoorvragnetwerk en om al die land se hawens te bedryf. Werknemers het sedert 6 Oktober gestaak, wat daartoe gelei het dat in- en uitvoere sedertdien tot stilstand gekom het.
Volgens Transnet gaan hy voort om die veiligheid van werknemers en bates te prioritiseer, terwyl gesprekke met klante en die bedryf aan die gang is om die agterstande weens die staking te probeer uitwis.
Ayanda Shezi, Transnet-woordvoerder, het gesê aan die spoorkant word die veiligheid van die spoorwegnetwerk geëvalueer voordat dienste ten volle hervat word. Herstelwerk aan dele van die netwerk wat deur diefstal en vandalisme geraak word, word ook onderneem.
“By die hawens bly die fokus daarop om die agterstand van vaartuie by ankerplek en langs die kaai uit te wis. Al agt kommersiële hawens bly toeganklik.
“Transnet Pipelines gaan intussen voort om brandstof na die binnelandse mark te vervoer, met gebeurlikheidsplanne gereed om voorsieningsekerheid te verseker.”
Satawu het nie die verhogingsaanbod aanvaar nie en aangedui dat sy lede sal voortgaan om te staak.
Die skade is reeds gedoen om die ekonomie verder te kniehalter. Dit gaan baie lank vat om te herstel.
Oortydgeldjies sal die somervakansie draaglik maak.
Die bessieboere het die tydgleuf misgeloop waar hulle produk maksimale winste kon verseker. Dis vir seker.
Unies regeer SA! Skandelik en veragtelik.
Met dieselfde onbevoegde werknemers sal Transnet NOOIT weer herstel nie. Dit geld ook vir die 99.9% swart bestuur.
My ma het altyd gesê: ‘As jy dom is, is jy dom.’ Mens kan seker sê ‘As jy onbevoeg is, is jy onbevoeg.’
Hier kom weer n ding met oortyd geld wat nie betaal gaan word nie.Wat het van my aansoek geword?
Transnet gaan, net soos die Poskantoor destyds moeilik of glad nie herstel nie terwyl geen stappe teen Stakers of Vakbonde geneem sal word nie.
Werkers & Vakbonde moet verantwoordelik gehou wordvir Finansiële verliese.
Ons weet egter dit sal nooit gebeur nie.