Uitspraak later vandag oor Roets se vlag-twiet

Ernst Roets buite die hof.

Uitspraak word later vandag in die gelykheidshof in Johannesburg verwag, waar AfriForum se hoof van beleid en aksie, Ernst Roets, op ʼn aanklag van minagting van die hof teregstaan.

Die Nelson Mandela-stigting het ʼn klag teen hom aanhangig gemaak, nadat Roets vroeër ʼn foto van die ou landsvlag op sosiale media geplaas het, kort nadat die gelykheidshof beslis het die vertoon daarvan – in sekere kontekste – kom neer op haatspraak.

“Het ek nou net haatspraak gepleeg?” het Roets se inskrywing saam met die foto op Twitter gelui.

Die NMS het die hof versoek om Roets tronkstraf op te lê.

“Die NMS voer aan dat hulle dié saak dryf om versoening te bevorder. Tog eis hulle nou dat ʼn burgerregteaktivis in die tronk gestop moet word oor ʼn twiet,” het Roets gesê. “Dié gedrag is nader aan fascisme as aan versoening. Daar is baie krisisse en pyn in hierdie land. Die NMS kies egter om dit te ignoreer en hom eerder op die onderdrukking van burgerlike vryhede toe te spits – boonop kwansuis in die naam van Nelson Mandela.”

Roets se verweer is dat hy bloot ʼn akademiese vraag as doktorale student gestel het. Die stigting glo egter dat die plasing onder die voorwendsel van akademiese debat gemaak is.

Die klag is teen Roets én AfriForum aanhangig gemaak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Francois

Wat reken julle gaan die hof se…?
Ek skat hy gaan ten minste beboet word.

Thinus

Die NMS is net so ‘n klug soos die HRC. Laasgenoemde moet hul naam verander van Human Rights Commision na African Rights Commision a.g.v. hulle bubbele standaarde want hulle vind omtrent elke blanke skuldig en spring vinnig op hul agterpote om sogenaamde rassisme te straf. As dit by Julius, Andile en ANC kom is hulle tjoepstil. Dit laat die vraag, is hulle nog relevant in Suid Afrika of net nog ‘n stomp ANC tool?

James

Maar Vader help ons. Malema kan se wat hy wil op sy twitter

Thinus

Kom ons kyk hoe gelyk die gelykhseid hof rerig is…..

Lana

As die hof volgens FEITE werk en NIE volgens POLITIEK – sal Roets ongetwyfeld skotvry uitstap.