Verdagte dood tydens plaasaanval

plaasaanvalle

Argieffoto: SAPD

ʼn Vermeende aanvaller is Woensdag vroegoggend doodgeskiet toe hy en vermoedelik nog vyf makkers op ʼn plaas in die Kirkwood-omgewing in die Oos-Kaap toegeslaan het. Die plaaseienaar en sy seun is tydens die aanval ernstig beseer.

Sers. Majola Nkohli, woordvoerder van die polisie, sê vyf gewapende mans het na wat verneem word omstreeks 02:30 die plaas betree. Die verdagtes was met een vuurwapen en messe gewapen. Hulle het die eienaar van die plaas en sy familie oorval.

“ʼn Struweling het tussen die eienaar en die aanvallers uitgebreek. Een van die verdagtes is in die proses doodgeskiet en een is gewond,” sê Nkohli.

Die res van die aanvallers het in ʼn silwerkleurige Toyota Avanza gevlug.

“Die polisie het vinnig gereageer en kort ná die aanval drie van die verdagtes in hegtenis geneem. Hulle het ook die Avanza in die Kariega-gebied opgespoor en daarop beslag gelê.”

Die eienaar, sy seun en die beseerde aanvaller is op die toneel vir hul beserings behandel.

Die polisie se gespesialiseerde eenhede en lugmag is tans besig om die res van die aanvallers te probeer opspoor.

Marius Müller, nasionale operasionele koördineerder van AfriForum, het bevestig die plaaseienaar is tydens die aanval ernstig beseer en is na ʼn hospitaal geneem vir verdere mediese behandeling. Hy is tans in ʼn kritieke toestand en moes ʼn noodoperasie ondergaan.

Die polisie ondersoek ʼn saak van huisroof en poging tot moord. Die drie verdagtes wat vasgetrek is, sal na verwagting Vrydag in die landdroshof op Kirkwood verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

19 Kommentare

Karina ·

Nou gaan die pa en seun verseker aangekla word vir moord. Ai ai ai

Anoniem ·

Hulle sal aangekla word, want dis standaard prosedure wanneer iemand gedood word, maar sal hoogs waarskynlik nie vervolg word nie omrede hulle hulself teen ‘n wederregtelike aanval verdedig het.

Fedup ·

Good. I don’t get why any criminal should be hospitalised.
Hope the father will be okay though.

Boer ·

Dit is reg so stuk vir stuk veg die boere terug. Sterkte aan die Pa in die Hospitaal!!!

Gert ·

Nog ‘n aanval afgeweer dis al hoe die skelms gaan leer om boere uit te los. Goed gedaan hoop julle word gou gesond

Wielspore ·

Ek haal my hoed af vir dapper mense wat opstaan teen geweld en moordenaars op hulle neuse laat kyk. As die regering en polisie nie hulle werk wil doen, laat dit dan oor die mense om hulle self te beskerm. Sterkte aan die familie wat aangeval is en vir enige toekomstige aanvaller, lig loop, julle tyd loop uit.

Nic ·

regering te hopeloos om iets te doen teen plaas aanvalle .cele prast net en doen niks selfs polisie word vermoor en ou hoedjie praat net

Samuel ·

Huisroof??? Gewoon moord deur misdadigers. Hoop pa en seun herstel vinnig en word nie van moord aangekla nie. Misdadigers het mos die gereg aan hulle kant.

Nic ·

ja regering beskerm hulle .beste vir ons is st em hulle uit vir n beter SA

Mariana ·

Sterkte aan die gesin. Wel gedaan. So sal kriminele een vir een val. Boere kan nie meer stilstaan nie, moet terugbaklei.

Deon ·

Dank God onse vader dat hy sy beskermende hand oor hierdie mense gehou het.
“Die eienaar, sy seun en die beseerde aanvaller is op die toneel vir hul beserings behandel”.
Dink wat se ongemaklike situasie dit moet wees!!
Sodra hulle begin leer hulle gaan dalk nie almal in die buit deel nie kan dit hulle dalk twee keer laat dink. Hou so aan

Regverdigheid ·

Hoop nie die Pa en seun gaan aangekla word… kremenele het meer reg as ons mag oortree en moor waar gaan ons land heen so sad.

Ek kan ·

Daar was 5 aanvallers. Een is doodgeskiet. Een is gewond. Die polisie het vinnig gereageer en het drie in hegtenis geneem. Die polisie een lugmag is tans besig om die res van die aanvallers te probeer opspoor.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.