Video: Bakkie wat wegjaag sleep voetganger

'n Skermskoot uit die video. Die video volg onderaan die berig.

‘n Skermskoot uit die video. Die video volg onderaan die berig.

Waarskuwing: Die video is grafies van aard en mag sensitiewe lesers ontstel.

ʼn Ma van ʼn vier maande oue baba is Dinsdag in ʼn ernstige toestand na ʼn hospitaal geneem nadat sy in ʼn beweerde tref-en-trap-voorval etlike meter ver in Johannesburg se middestad gesleep is.

Nkosi Gumbe, ʼn ooggetuie wat in ʼn winkel werk naby die plek waar die voorval op die hoek van Bree- en Gerard Sekotostraat in Newtown plaasgevind het, het Donderdag aan Maroela Media gesê die bestuurder van die bakkie, glo in sy laat 30’s, was voor die voorval in ʼn winkel in die omgewing. Hy het omstreeks 13:50 die winkel verlaat en in ʼn wit Toyota Hilux, met ʼn swart enjinkap, geklim. “Hy het in trurat uit die parkering gery toe hy ʼn ou blou Mazda gestamp het,” het Gumbe gesê.

Die bestuurder van die bakkie. Foto: Verskaf

Die bestuurder van die bakkie. Foto: Verskaf

“Die bestuurder van die Mazda het uitgeklim en op die bestuurder van die bakkie geskreeu, waarna die bestuurder van die bakkie weggejaag het.” Die bakkie het die vrou getref terwyl sy besig was om Gerard Sekoto-straat by ʼn kruising oor te steek. Sy is sowat 15 meter ver gesleep voordat sy onder die voertuig uitgekom het, waarna die bestuurder na bewering van die toneel weggejaag het.

Die vrou het sigbare beserings opgedoen. Haar arm was gebreek en sy het skaafwonde aan haar arms en bene opgedoen. “Sy het met ons gepraat en was bekommerd oor haar vier maande oue baba wat by die huis was. Sy het net vir God gebid om haar lewe te spaar vir haar baba se onthalwe.”

ʼn Ambulans het haar na die Charlotte Ma­xeke-hospitaal geneem vir verdere behandeling. Haar toestand kon nie teen Donderdag bevestig word nie.

Die sleepvoorval is op kringtelevisiebeeldmateriaal vasgelê. Die polisie was Donderdag by winkels in die omgewing om beeldmateriaal na te gaan en verklarings af te neem.

Gumbe het gesê die bestuurder van die bakkie het nie besope voorgekom nie en die voorval hou nie verband met die diefstal van ʼn motor of ʼn rooftog nie.

Sr.supt. Wayne Minnaar, woordvoerder van Johannesburgse metropolisie, het aan Maroela Media bevestig dat die metropolisie die beweerde tref-en-trap-voorval geregistreer het en die saak na die polisie oorgeplaas het vir verdere ondersoek.

Niemand is nog in verband met die voorval in hegtenis geneem nie en die ondersoek duur voort.

Die publiek word versoek om Crime Stop by 08600 10111 te bel as hulle ʼn bakkie sien wat die beskrywing pas.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Verstom

Die polisie versoek dat die publiek moet laat weet as hulle n bakkie sien wat by die beskrywing pas?? RERIG? Die nommerplaat van die voertuig is tog duidelik sigbaar. Dit behoort besonder maklik te wees om hierdie buffel op te spoor en te vervolg.

Lance

Die nommerplaat is dan duidelik sigbaar …gaan na die adress en vang die man …of is alles nou weer vervals …

Ella

Ja nee kyk, die wonderlike polisiediens van ons…. Soos daar gese is, daar is die nommerplaat, hoe moeilik kan dit wees!!! Maar nee, die publiek moet nou weer help.

Kiepie

Ek weet nie waar sien julle die nommerplaat “duidelik sigbaar” op die video nie. Sigbaar miskien maar beslis nie leesbaar nie. Miskien kyk julle teveel speurverhale want dit is ook nie so maklik soos wat dit lyk om die beeld digitaal te verskerp nie. Maar nou ja, die klaers en morrers sal maar seker altyd met ons wees.

tamboti

Amper ry die “VERMEENDE” wat geen gesag vir wet en orde het nie, die arme vroutjie in haar DOODSKIS in. Maar nee dit sal mos nou nie rassism wees nie – dis gewone misdaad.
As ek hom kry sal daar groot rassisme wees!
EK HOOP SY HERSTEL GOU!