‘Wit moet vir swart werk’, sê Malema

Malema het Maandag ʼn groot skare buite die hof toegespreek. (Foto: ANA)

Julius Malema het Maandag aan EFF-ondersteuners buite die Newcastle-landdroshof in KwaZulu-Natal gesê hy smag na die dag dat wit mense vir swart mense moet werk.

Malema het Maandag ʼn groot skare buite dié hof toegespreek nadat hy vlugtig verskyn het op aanklagte wat verband hou met die oortreding van die Wet op Oproerige Byeenkomste van 1956.

Malema se uitlatings is vanoggend met harde applous verwelkom. “Ek wil nie hê swart mense moet vir wit mense werk nie. Ek wil hê dat julle vir julleself moet werk; wit mense moet vir julle werk. Dít sal ware vryheid wees. Julle moet hulle leer hoe om babas op hul rug te dra. Hulle moet voel wat ons ouers gevoel het,” het hy in sy toespraak gesê.

“Ons sê nie dat wit mense vermoor word nie, maar dat wit mense ons huishulpe moet wees,” het Malema aan die oproerige skare gesê.

Julius Malema groet die skare ná sy toespraak. (Foto: EFF South Africa/Twitter)

“Ek smag na die dag dat ʼn wit man ʼn trekker op jou plaas gaan bestuur. Ek smag na die dag dat John Steenhuisen [DA-hoofsweep] ʼn trekker gaan ry op Mbuyiseni Ndlozi [EFF- nasionale woordvoerder] se plaas. Wit bevoordeling sal onder die EFF tot ʼn einde kom,” het Malema verder gesê.

Dié toespraak volg nadat die EFF sy lede versoek het om vanoggend buite die hof op te ruk waar Malema sou verskyn. Malema het gevolglik herhaaldelik genoem dat hy nie bang is om tronk toe te gaan as dit beteken dat hy vir sy land moet baklei nie.

Malema word aangekla nadat hy lede van die EFF aangemoedig het om oop grond te beset. Hy staan tereg op aanklag van aanhitsing. Hy het die uitlatings in 2014 tydens die party se verkiesingskonferensie in Bloemfontein gemaak, asook in Junie 2016 tydens ʼn byeenkoms naby Madadeni in KwaZulu-Natal.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

127 Kommentare

jongste oudste gewildste
Anomien

ha,ha,ha,ha,ha………………….

chrissie

En waar het dit jou gebring!!

Hoe nou...

Enige boer wat sy sout werd is werk saam met sy mense op die lande en ry baie keer self die trekker in elke geval…wys jou net wat weet die EFF van n boerdery af. Kos kom nie van plase af nie….dit kom uit Checkers uit….?!

Sanet

DÍS…nou die vrug,van geweldige minderwaardigheid en verwerping, arme arme arme arme ou Julius’sie… en nou spoeg jy HAAT uit,sodra jou mond oopgaan

buurman

Aarde, maar die man kan wild droom.