Bongi Mbonambi vier die Springbokke se oorwinning oor Engeland. (Foto: Thomas SAMSON/AFP)
SA Rugby sê hy het volle geloof in die eerlikheid en integriteit van Bongi Mbonambi (32) wat in omstredenheid gedompel is nadat hy van ʼn rassistiese uitlating beskuldig is.
Saru het terselfdertyd Wêreldrugby se besluit om geen stappe teen Mbonambi te doen nie, verwelkom.
ʼn Klag van rassisme kon die Springbokhaker in die gesig staar ná ʼn beskuldiging dat Mbonambi tydens die afgelope naweek se Wêreldbeker-halfeindstryd uiters neerhalend na die Engelse voorspeler Tom Curry verwys het.
“Enige vorm van rassisme is afskuwelik vir SA Rugby en die Springbokspan wie se doelwit is om alles moontlik te doen om te help om ons diverse en multikulturele nasie te verenig,” het SA Rugby in ʼn verklaring gesê.
“Bongi Mbonambi is ʼn ervare en gerespekteerde toetsspeler en het, nodeloos om te sê, die bewerings uit die staanspoor ontken.”
Die Springbokspan bepaal nou sy volle aandag by die Wêreldbeker-eindstryd wat voorlê.
Duisende Suid-Afrikaners het in die rassisme-debakel bankvas agter Mbonambi gestaan en in sy onskuld geglo.
Sommige sosialemediagebruikers sê nou Engeland skuld die Bokke se haker ʼn verskoning.
Bongi Mbonambi is owed a serious apology, and England’s rugby team continuing to propagate this lie is uncouth. If we accept that Tom Curry made the accusation in good faith, surely after learning that he misheard something in another language, they would let it go & say sorry? https://t.co/AU1YNefFO5
— Lu ???? (@liwetweets) October 26, 2023
Tom Curry must be charged for defamation and libel for false accusations, Racism is a very serious accusation to be made against someone , there is audio and video evidence that has shown that the player is cleared. Sale what about the victims (Bongi Mbonambi) family too. https://t.co/TDG5EW1W7J
— #Nicholas (@0Nicholas0) October 26, 2023
“Engeland se rugbyspan wat voortgaan om hierdie leuen te propageer, is onaanvaarbaar. As ons aanvaar dat Curry die beskuldiging in goeie trou gemaak het, sal hulle dit sekerlik laat gaan en jammer sê nadat ons verneem het dat hy iets in ʼn ander taal verkeerd gehoor het?” skryf ene Lu op X.
Nicholas skryf op sosiale media dat Curry aangekla moet word vir naamskending en laster omdat hy Mbonambi valslik van rassisme beskuldig het.
Volgens Bheki Mathabathe, nog ʼn sosialemediagebruiker, is daar feitelik geen bewyse teen Mbonambi nie.
“‘Onvoldoende’ beteken nie genoeg nie. Watter bewyse het Tom Curry verskaf? Niks hoegenaamd nie. Dit is slegs ʼn bewering teen Bongi Mbonambi, wat nie eens deur die skeidsregter gestaaf kan word nie. Wie anders het dalk Mbonambi se rassistiese uitlating gehoor,” meen Mathabathe.
Actually, there's no evidence at all. "Insufficient" means not enough. What little evidence did Tom Curry provide? None whatsoever. It's only an allegation against Bongi Mbonambi, which cannot even be corroborated by the referee. Who else may have heard Mbonambi's racial slur?
— Bheki Mathabathe (@BhekiMathabathe) October 26, 2023
Maroela Media het vroeër berig die Engelse Rugbyunie (RFU) het sy teleurstelling te kenne gegee dat die klag van rassisme teen Mbonambi afgesluit is en dat hy aan die Wêreldbeker-eindstryd gaan deelneem.
Steve Borthwick, die afrigter van Engeland, hou ook vol dat Curry niks verkeerd gedoen het nie.
“Hy het ʼn slagoffer van die situasie geword waarin sy stem nie gehoor is nie. Dit is teleurstellend,” het Borthwick gesê.
“Curry het deur die hele situasie baie ondersteuning gekry.”
Een van diegene wat ʼn boodskap van steun aan Curry gestuur het, was Bokkaptein Siya Kolisi.
????️Steve Borthwick on the RFU's statement regarding Tom Curry and Bongi Mbonambi:
“It is a pretty comprehensive statement. Little you can add to it. The RFU has expressed great disappointment at World Rugby’s decision. That disappointment is shared by Tom, fellow players, and… pic.twitter.com/nR31fTgGaK
— Jared Wright (@jaredwright17) October 26, 2023
Skuldig of onskuldig – ons weet nie.
Nodeloos om te se – hulle sal dit mos altyd ontken.
Die video en audio wys duidelik onskuldig.
Ek glo ook nie die onskuld heeltemal nie. Maar ja SARU sal altyd agter sy makkers staan.
Ja George, dit was dieselfde met Ramaphosa.
Die reel is maklik…wie beweer moet bewys. Met al die tegnologie kan die Engelse nie konkrete bewyse lewer nie. Ek is seker daar is al erger woorde op ‘n rugbyveld gebruik. Curry is ‘n tjankbalie. Seker gehoop op ‘n geel kaart
Jammer om te noem dat dit lyk asof daar na uiters ongewone en dalk selfs onwaarskynlike “verklarings” gegryp word. Indien dit so sou wees – en hoop dit is nie – sal dit ‘n verskriklike onreg wees.
Wie is Nicholas?
Hy is n ou woonagtig in die Wes Kaap
Twyfel. Ons praat nooit nonsens nie.
Bongi is ‘n Cry Babie. Hy hoort in die Bok span. Siestog.
En in die ANC kabinet. Dalk minister van inligting of sport.
As Curry reg is dat Mbonambi ‘n soortgelyke oortreding verlede jaar begaan en daarmee weggekom het, word ‘n onreg gepleeg.
Waarom sou Curry ‘n jaar later weer met ‘n ‘leuen’ vorendag kom met die volle ondersteuning van sy span en bestuur as daar niks was nie?
En hoe kan daar “bewyse” gebring word vir woorde wat gesê is?
Die skuldige weet wie hy is …
Hoop die Bokke se “kant” is skoon.