EFF lê toe wel klag teen vrou wat vuurwapen rig

Lede van die EFF is ná die voorval na die plaaslike polisiestasie geneem. (Foto: Twitter)

Lede van die EFF het strafregtelike klagte ingedien nadat ’n vrou Dinsdag na bewering ’n vuurwapen op hulle by die ingang van Clicks in Port Elizabeth in die Oos-Kaap gerig het.

Dit volg nadat albei partye ná die voorval aanvanklik aangedui het dat hulle nie enige klagtes aanhangig gaan maak nie.

Kol. Priscilla Naidu, woordvoerder van die polisie, het Woensdag aan Maroela Media gesê lede van die EFF het Dinsdag omstreeks 15:00 na die Walmer-polisiestasie teruggekeer waar hulle ’n klag van die rig van ’n vuurwapen teen die vrou aanhangig gemaak het.

Maroela Media het vroeër berig polisiebeamptes is vroeër die dag na die Walmer Park-winkelsentrum in Walmer ontbied nadat die vrou by die ingang van die betrokke winkelsentrum se Clicks in ’n rusie met EFF-ondersteuners betrokke was.

Die vrou is ná die voorval na die plaaslike polisiestasie geneem. (Foto: Twitter)

In ʼn video van die voorval wat wyd versprei word, kan daar gesien word hoe die vrou ʼn klein vuurwapen uitpluk voordat sy dit weer bêre en wegstap.

Die vrou en die betrokke EFF-ondersteuners is toe na die plaaslike polisiestasie geneem waar albei partye aangedui het dat hulle nie enige klagtes aanhangig gaan maak nie.

ʼn Herrie woed sedert die naweek oor ʼn advertensie vir haarprodukte op Clicks se webwerf wat as rassisties teenoor swart mense bestempel is. Die advertensie is onttrek en die kleinhandelgroep het om verskoning daarvoor gevra.

Clicks het Dinsdag aangekondig dat hy TRESemmé-haarprodukte van sy winkels se rakke gaan verwyder en dat alle werknemers wat verantwoordelik was vir die publisering van die advertensie, geskors is. Alle Clicks-winkels sal Woensdag gesluit wees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

70 Kommentare

jongste oudste gewildste
Andre

Kan jy nou meer…net in SA.

Werner

Ons sal haar nou moet bystaan want more is dit dalk jy. Ons sal ook nou sien of Afriforum iets vir ons beteken.Het ek dit nou mis maar volgens die berig is die vrou nou die vark in die verhaal.Volgens die video is haar lewe bedreig

melaney

Sou graag wou weet of die dame in Clicks inkopies wou doen, haar medikasie wou afhaal, of het sy net verby gestap. Volgens wat ek op die video kan sien, lyk dit of EFF lede doodeenvoudig, en om geen rede, skoor met haar gesoek het. Ek hoop nie sy staan terug nie. Gee hulle gas tannie!

Daleen

O so grootbek Malema mag vuurwapen in openbare plek skiet maar sy mag nie haarself verdedig nie. Kla HOM eers aan en die ene wat sy hande op haar gesit het. Hoop dis die een keer wat ons gaan saamstaan en gee haar alle hulp wat sy nodig gaan he om EFF weer op hulle neuse sal laat kyk. Kom Afriforum hier is nou ‘n lekker saak vir julle!

Is jy seker?

Enige wapens word in winkelsentrums verbied. Wat wou die tannie maak? Ek vermy winkels sovêr moontlik met covid, maar die tante gaan “shop gun in hand”…