Gauteng skuld munisipaliteite miljoene

David Makhura, voorsitter van die ANC in Gauteng, sy adjunk Panyaza Lesufi en sekretaris Jacob Khawe (middel) tydens ʼn perskonferensie in Johannesburg (Foto: Getrude Makhafola/ANA)

Die Gautengse provinsiale regering skuld sy munisipaliteite meer as R89 miljoen vir dienste aan die regering gelewer.

Dit volgens Lebogang Maile, Gautengse LUR vir samewerkende regering en tradisionele sake. Hy het Maandag geantwoord op die DA se vrae in die provinsiale wetgewer.

Volgens Maile skuld die Gautengse regering R89 503 016 aan Emfuleni-munisipaliteit (Vereeniging en Vanderbijlpark), Lesedi-munisipaliteit (Springs), Mogale City-munisipaliteit (Magaliesburg) en Merafong-munisipaliteit (Carletonville en Fochville). Hierdie geld is reeds 120 dae agterstallig.

Die Gautengse departement van gesondheid skuld R18 miljoen en die departement van onderwys R11 miljoen nét aan Emfuleni.

Die regering skuld Merafong-munisipaliteit R14 miljoen, Mogale City R12,9 miljoen en Lesedi-munisipaliteit R12,6 miljoen.

“Die meeste van hierdie munisipaliteite het geen geld om dienste aan hul inwoners te lewer nie en Emfuleni sukkel om sy rekeninge by Eskom en Rand Water te vereffen. Hierdie geld kan help om die finansiële druk waaronder munisipaliteite verkeer, te verlig,” sê Kingsol Chabalala, die DA se lid van die provinsiale wetgewer.

Hy sê die Gautengse regering moet ʼn voorbeeld stel aan inwoners deur hul skuld aan munisipaliteite te vereffen. “Die DA vra dat Maile sal ingryp om te verseker dat die onderskeie departemente wat geld aan munisipaliteite skuld, die betalings so gou moontlik doen,” sê Chabalala.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
En nou?

Het enigeiemand iets anderste verwag!?

Magda

Dit kom daarvan in 1994 was gese – alles gratis – so alle blame op die ANC, STOP OM PERSOONLIKE BELASTING TERUG TE BETAAL.

Lee

Wraggies swak. Maar dit verbaas my nie… Die Regering spend net en party net sonder om skuld te vereffen. Dis ‘n skande!!

Jerry

So sad, so very sad that the ANC under the CR-administration continues to lead by revolutionary examples of how to manage its business to exactly the opposite of how business should be managed. There is absolutely no light at the end of the ANC revolutionary tunnel as this is meant to be the way to do business, the ANC revolutionary way! The truth is that the ANC revolutionary way is a total disgrace to the human race, thats way the ANC is known and referred to as a “failed state”. However, being a failed state is actually regarded by the… Lees meer »

Rina

Wat n skande