Ramptoestand ‘dalk opgehef’

Pres. Cyril Ramaphosa (Foto: Elmond Jiyane/GCIS)

Die nasionale Covid-19-bevelsraad oorweeg dit om die nasionale ramptoestand te beëindig namate die koers van Covid-19-infeksies daal.

Dit is Woensdag deur pres. Cyril Ramaphosa bekendgemaak toe hy op medianavrae reageer het tydens die bekendstelling van die nuwe NantSA-aanleg – ʼn entstofvervaardigingsaanleg wat deur die miljardêr Patrick Soon-Shiong gestig is.

Volgens Times Live het Ramaphosa gesê die heroorweging van die ramptoestand volg ná ʼn aantal mense en organisasies die afgelope twee jaar die instelling van die rampwetgewing betwis het.

“Ek dink sedert die Covid-19-pandemie ons land getref het, het ons dit goed deur middel van die ramptoestand bestuur. Daar is nou wel ʼn sterk saak daarvoor dat ander ‘metodes’ gebruik moet word om die pandemie te beveg,” het Ramaphosa gesê.

Die bevelsraad sal die kabinet eersdaags oor hul besluit inlig.

Maroela Media het vroeër berig die ramptoestand is Vrydag tot 15 Februarie verleng. Daar was groot teenkanting teen hierdie besluit.

John Steenhuisen, leier van die DA, het gesê die ramptoestand ondermyn maatskaplike, ekonomiese en demokratiese herstel.

Alan Winde, die Wes-Kaapse premier, het ook versoek dat die ramptoestand opgehef word. Hy meen die regering het oorgenoeg tyd gehad om alternatiewe bestuurstelsels, afgesien van ʼn ramptoestand, in werking te stel.

Die Instituut vir Rasseverhoudinge (IRV) het reeds in November verlede jaar gesê dat die regering se besluit om die ramptoestand tot 15 Januarie te verleng “skadelik en strydig met feite” is en op magsmisbruik deur die regering neerkom.

Engeland se regering het ook Woensdag gesê die meeste Covid-19-regulasies sal vanaf volgende week opgehef word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

60 Kommentare

jongste oudste gewildste
Adriaan

“Ek dink sedert die Covid-19-pandemie ons land getref het, het ons dit goed deur middel van die ramptoestand bestuur.”

Die wyse waarop die maatreels menseregte vertrap het is n misdaad teen die mensdom.

Samuel

Mens kan net hoop die regering kom tot sy sinne. Hierdie ramptoestand is onsinnig en baie mense steur hulle in elkgeval nie aan die regulasies nie. Net die regering baat daarby omdat hy sy sentrale beheer oor die bevolking behou.

Juffrou

Ons is só voos oor dié pandemie. Die enigste ramp in dié land is ons regering self!

Kobus

@ Adriaan. Stem saam maar teleurgesteld omdat die ander politieke partye nooit teen dit opgestaan het nie. Almal het saam met ANC gestem.

Piet

Hier is vir jou ‘n rol toiletpapier….