Werker in hof vir moord op aktivis

Annette Kennealy (Foto: Facebook)

Die verdagte in die moord op die plaasmoord-aktivis Annette Kennealy was ʼn werker van Kennealy. Sy is vroeër die week op ʼn kleinhoewe buite Louis Trichardt in Limpopo vermoor is.

Kenny Ramatshimbila (40) het Donderdag in die plaaslike landdroshof verskyn op aanklagte van moord en huisroof nadat hy Dinsdagaand in hegtenis geneem is in verband met die moord op sy werkgewer.

Kol. Moatshe Ngoepe, woordvoerder van die polisie, het aan Maroela Media gesê Ramatshimbila bly vir eers in aanhouding en hy sal tydens sy volgende hofverskyning om borgtog aansoek doen.

Maroela Media het vroeër berig Kennealy (51) se liggaam is Maandag omstreeks 09:00 op die Welgevonden-kleinhoewes met ernstige kopbeserings aangetref.

Luidens inligting deur Marius Müller, nasionale operasionele koördineerder van AfriForum, aan Maroela Media verskaf, het Kennealy se ma haar aanhoudend gebel en onraad begin vermoed toe haar dogter nie antwoord nie.

Sy het gevolglik iemand uitgestuur na die kleinhoewe waar Kennealy saam met Ramatshimbila gewoon het. Dit is hiér waar die betrokke persoon Kennealy se bebloede liggaam aangetref het.

Kennealy het op haar maag gelê en het beserings aan haar linkeroog asook ʼn oop wond aan haar voorkop gehad. ʼn Hamer het op die toneel gelê en sy het ook ʼn ysterstaaf om haar nek gehad.

Daar was geen teken van Ramatshimbila nie.

Dit is duidelik op Kennealy se Facebook-blad dat die dreigende kwessie van plaasmoorde haar na aan die hart gelê het en sy haarself daarvoor beywer het om bewusmaking te skep.

Kennealy het onder meer net verlede week haar afgryse op dié blad uitgespreek oor die plaasaanval wat die lewe van ʼn boer naby Bonnievale in die Wes-Kaap geëis het.

Ramatshimbila sal op 1 Julie weer in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Lizelda

Dit is ongelukkig die waarheid…

Plaas wys julle vir ons die vark Se bakkies!!!!!

Dries du Toit

Ek kan nie anders dink as dat hierdie nie net gewone moorde is nie. Hierdie is georganiseerde aanslag op ons wit boere. Dit is myns insiens niks anders as withaat wat aangeblaas word deur politieke partye soos die EFF en BLF. Waarom word dit nie ondersoek nie. Grondonteiening sonder vergoeding sal nie nodig wees as dit so aangaan nie

honourable member

Hierdie mense weet nie wat die word lojaliteit beteken nie. Heel moontlik aangehits om haar te vermoor. Haar grond is seker vir hom belowe.

Rtb

ek wonder of hierdie berig op al die nuus stasies sal wees?