Dit blyk daar was omtrent iets in die Springbokspan se drinkwater, want dit het pas bekend geword dat nóg ʼn Bokspeler gaan pa word – dié keer die geliefde skrumskakel Faf de Klerk.
Op foto’s van ʼn babatee wat oor die naweek op Instagram gedeel is, pryk Faf se vrou, Miné, met ʼn babamagie in ʼn vloeiende somersrok voor ʼn bord wat lees “Baba De Klerk”, omring met groen en goue ballonne.
Die foto’s is gedeel deur Jandré Koch, wat getroud is met die Springbok-vaskopstut Vincent Koch.
“Ons vier die pragtige mamma in wording,” lees die inskrywing op Instagram saam met ʼn aanhaling uit Psalm 139.
Miné is ʼn apteker van beroep. Die egpaar is op 1 Oktober 2022 by die La Paris-landgoed in Franschhoek getroud.
Faf is deel van ʼn string Bokspelers wat sedert hul Wêreldbekerrugby-oorwinning in November babanuus gedeel het: Malcolm Marx, Eben Etzebeth, Handré Pollard en Herschel Jantjies is saam met Faf deel van die 2024-pappaklub.
Eben en sy vrou, Anlia, het Saterdag aangekondig dat hul eersteling op 16 Januarie gebore is.
Laat ek raai, die kind gaan blond wees.
Was maar n bedrywige tyd voor die world cup
Daar was beslis iets in die drinkwater. Baie geluk Faf en Miné.
Dit is hoe die bokke fiks geword het,hardloop spring en stoot
Hoe kan dit wees, twee “Springbok-babas” in een week. (En dan is daar die “Pollard enetjie.”)
Dis tyd vir Sherlock Holmes. Hy sal begin deur te vra: “Nege maande gelede: Waar en watter toer het die Spingbokke klaargemaak en dan teruggekeer na hulle geliefdes…”
Die Bokke kan beslis meer doen as net rugby speel. Ek hoop dis ‘n klein FAFSTER xoxox