‘Kaper’ in Pta doodgeskiet

Die polisie en paramedici op die toneel. Foto: Verskaf

ʼn Vermeende kaper is Vrydagmiddag deur ʼn beampte van die Tshwane-metropolisie in Pretoria doodgeskiet.

Nonhlanhla Mgiba, woordvoerder van die metropolisie, het gesê die voorval het omstreeks 13:30 in Hercules in die weste van Pretoria plaasgevind terwyl beamptes met ʼn roetine patrollie besig was.

“Beamptes het vier verdagtes in ʼn groen Toyota Corolla in die omgewing opgemerk. Beamptes van die dwelmeenheid het die voertuig voorgekeer met doel om die insittendes te ondervra en te deursoek,” het Mgiba gesê.

Volgens Mgiba het beamptes die voertuig genader, waarna een van die insittendes glo ʼn 9 mm-pistool probeer hanteer het. “Dit het een van die beamptes genoop om die verdagte uit selfverdediging te skiet.”

Die verdagte is deur paramedici van Best Care-ambulansdienste op die toneel dood verklaar. Xander Loubser, woordvoerder, het gesê die man, in sy laat 20’s, was reeds dood toe paramedici by die toneel opgedaag het.

Mgiba het gesê die res van die insittendes het te voet op vlug geslaan. Twee van hulle is aangekeer en in hegtenis geneem, die derde kon daarin slaag om te ontsnap en is steeds soek.

Volgens inligting wat deur die polisie verkry is, was die mans glo op pad om ʼn Range Rover te kaap toe hulle voorgekeer is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Madeleine

Darem kon hul vasgetrek word!

Mooi

Nou gaan daardie kaper ons nie meer pla nie.

Manie

Pretoria n beter plek na die voorval

Ditsem

Hou van die woorde”het glo n 9mm-pistool probeer hanteer”

jaco

En nou word die 1 wat die kaper doodgeskiet het, seker weer aangekla van moord.