In vandag se Allegaartjie gesels Theresa Papenfus met Hans du Plessis oor sy Griekwa-psalms. Ons praat ook met Theuns Jordaan oor die twee toekennings wat hy ontvang het vir sy album, Roeper, en kuier by die country-musiek legende, Lance James.
Allegaartjie 2 – Program 84
In hierdie Donderdag se Allegaartjie gesels Susan Lombaard vir oulaas met Lani Snyman oor koffie. Ilze Nieuwoudt vertel ons meer van die held, Wolraad Woltemade en die sjokolateur, Hannes Snyman, verduidelik wanneer sjokolade gesond is.
Allegaartjie 2 – Program 83
In hierdie Allegaartjie vertel ons jou van Tekkie Tax, ʼn nuwe geldinsamelingsprojek waar jy kan kies watter doel kry jou donasie. Die ATKV is ook opsoek na Suid-Afrika se talentvolste senior burgers en Alette Winckler en Sumari Schoeman vertel ons meer van hulle LullaBybel CD en DVD.
Allegaartjie 2 – Program 82
In Allegaartjie vandag begin ons ʼn nuwe reeks gesprekke wat handel oor depressie by kinders. Dr Hannetjie van Zyl-Edeling vertel ons ook hoe om positief oud te word en Charmaine van Schalkwyk kom gesels oor die “Look Good Feel Better” wat fokus daarop om kankerpasiënte by te staan.
Allegaartjie 2 – Program 81
In hierdie Maandag se aflewering van Allegaartjie gesels Karin Venter met ʼn vrou wat haar eie kinderkinetika praktyk bedryf om meer oor dié beroep uit te vind. Helen Ueckermann bespreek lewenslange geldplan en Annelize Brits gesels met ʼn oudioloog en spraakterapeut oor gehoorgestremde kinders.
Allegaartjie 2 – Program 80
In hierdie Vrydag se Allegaartjie vra Theresa Papenfus vir Hans du Plessis uit oor sy boeke met die Groot Trek as agtergrond. Ons gesels ook met Pierre Vee oor sy musiek en Carike Keuzenkamp praat met ons oor Ghoempie.
Allegaartjie 2 – Program 79
In vandag se Allegaartjie bespreek Lani Snyman die soort spesialiteitkoffies wat met espresso gemaak word. Ilze Nieuwoudt en Suné van Heerden bespreek die lewe van Dirkie Uys en Danelle van Zyl skop af met ʼn splinternuwe gesprekreeks en vind uit hoe word ʼn mens ʼn sjokolateur.
Allegaartjie 2 – Program 78
In hierdie Woensdag se Allegaartjie vertel ons jou alles van avokado-olies, ons gesels met Wilma Venter oor Projek Kombersie en die sanger, Gert Koevert, kuier in ons ateljee.
Allegaartjie 2 – Program 77
In vandag se Allegaartjie gesels Marlize Grobbelaar vir oulaas oor algemene rugbeserings en hoe om dit te vermy. Ons sluit ook af met ons gesprekreeks oor die krag van die brein en Susan Hepple verduidelik hoe jy jou brein positief kan herprogrammeer. Allegaartjie-joernalis, Burger Meyer, vind uit wat Aardklop doen vir die teaterbystandfonds.
Allegaartjie 2 – Program 76
In hierdie Allegaartjie gesels Karin Venter met fisioterapeut in Bobaasberoepe, Helen Ueckermann fokus op vroue en hulle geldsake en ons kuier by ʼn gesin met ʼn blinde seun.
Allegaartjie 2 – Program 75
In dié Vrydag se Allegaartjie bespreek Hans du Plessis en Theresa Papenfus Afrikaanse romantiese fiksie wat jy moet lees en John Rutland vertel ons meer van sy versameling tweedehandse boeke. Ons gesels ook met Vaughan Gardiner oor musiek en verhoogproduksies.
Allegaartjie 2 – Program 74
In hierdie aflewering van Allegaartjie gesels Lani Snyman oor ondermeer die duurste koppie boeretroos. Ilze Nieuwoudt vertel ons meer oor die moederstad se Kasteel van Goeie Hoop en Lochner de Kock praat met Burger Meyer oor sy nuwe gegeurde soute.
Allegaartjie 2 – Program 73
In vandag se Allegaartjie gesels ons oor die ATKV se skryfskool wat fokus op kinder- en jeugboeke. In die laaste aflewering van ons reeks oor antieke ware gee Jo-Marie Rabe raad vir diegene wat vermoed dat hulle ʼn item van waarde besit. Ons praat ook met Lizz Meiring oor die Teater Ekstravaganza wat sy hou ter ondersteuning van die Teaterbystandfonds.
Allegaartjie 2 – Program 72
In dié Allegaartjie bespreek ons mentale gesondheid in ons reeks oor breinkrag. Michael van der Walt vertel ons meer van die musiekgroep Kopiereg en Marilize Grobbelaar gesels oor sportbesering in ons reeks oor gesondheid.
Allegaartjie 2 – Program 71
In dié Allegaartjie praat Helen Ueckermann oor begrotings in ons reeks gesprekke oor finansies. Ons gesels met ʼn braille onderwyser van Prinshofskool vir blindes en Bruce Knoetze vertel meer oor sy beroep as ʼn “broadcast designer”, oftewel uitsaai-ontwerper.
Allegaartjie 2 – Program 70
In hierdie Vrydag se aflewering van Allegaartjie bespreek Hans du Plessis en Theresa Papenfus die boek ‘Die swerfjare van Poppie Nongena’ deur Elsa Joubert. Lindie Strydom gesels oor Moedersdag en ma-wees terwyl Amalia Uys deel waarmee sy haarself besig hou sedert sy die sepie, 7de Laan, verlaat het.
Allegaartjie 2 – Program 69
In hierdie Donderdag se aflewering van Allegaartjie bespreek Lani Snyman koffie as ʼn handelskommoditeit. Ilze Nieuwoudt vertel waarom jy maar ʼn draai by die Bloedrivier-erfenisterrein kan gaan maak en ons kuier saam met die Juanita du Plessis, wat gesels oor unieke vertoning by vanjaar se Ghoema-toekennings.
Allegaartjie 2 – Program 68
In hierdie Allegaartjie vertel Jo-Marie Rabie meer oor die versameling van silwer, koper en emalje. Ons gesels met Charmaine Joubert en Marnus Roodbol wat ʼn staptog deur vier Afrika-state aanpak vir ʼn bewusmakingsveldtog rondom wilde leeus en ons kuier vir oulaas saam Zane Meas wat ons meer vertel oor die Fatherhood Foundation.
Allegaartjie 2 – Program 67
In vandag se Allegaartjie gesels Marlize Grobbelaar oor ʼn aktiewe leefstyl vir veral ouer mense. Susan Hepple bespreek die faktore wat leer beïnvloed en ons kuier by Altus Theart wat met ons gesels oor sy debuutalbum.
Allegaartjie 2 – Program 66
In hierdie Maandag-aflewering van Allegaartjie gesels Karin Venter met ʼn omgewingskonsultant oor haar werk in Bobaasberoepe. Helen Ueckermann neem finansiële doelwitte onder die vergrootglas en Annelize Brits kyk na die opvoeding van ʼn siggestremde kind.
Nuus oor die koronavirus
Sien ook die regering se amptelike webwerf by sacoronavirus.co.za