Daar is ’n groter simboliek as bloot die fisieke gebeure in gister se “inval” van arm betogers in Pretoria-Wes wat onder meer tot die sluiting van die Daspoorttonnel gelei het. Gegriefde mense wil gehoor word, en dit werk nie om vanuit hul agtergeblewe omstandighede te skree nie – hulle moet dit neem na waar dit wel gevoel en gehoor sal word. Nie net voormalige wit woonbuurte kan (maar sal waarskynlik weens ’n verskeidenheid redes nie) meer dikwels die teiken word nie, maar ook prestige-instellings soos universiteite.
Nuuskommentaar: Is ’n beweerde Zuptakrasie afgeweer?
Verskeie mediaberigte en aansprake deur sekere politieke partye impliseer dat daar ’n gesamentlike poging van pres. Jacob Zuma en die Guptas is om ’n beergreep op die regering te verkry, en so die grondwetlike demokrasie nek om te draai. Dit is te vroeg om besliste oordele te fel, maar ’n kykie na van die waagmoedige mediaberigte is tog ontstellend.
Nuuskommentaar: AfriForum en Solidariteit se “reg om die Afrikaner te verteenwoordig”
Weens die volgehoue steke wat die rubriekskrywer Max du Preez teen AfriForum en Solidariteit inkry, is dit nodig om die omgewing waarbinne dit afspeel onder die loep te neem. Kan grondwetlikheid ooit plek maak vir ideologie of selfs emosionele fiksasie waar enkele voorvalle tot die algemene karakter van die instansies verhef word? En kan die Afrikaner nog sonder AfriForum en Solidariteit?
Nuuskommentaar: Die kuns om studentemoles en -geweld te oorkom
Kan die rolspelers met die ontlonting van die huidige vlaag studente-onluste dalk iets wys word by ’n groep oud-Moslemradikale, lede van die Ierse Republikeinse Leër, “white supremacists” en ander wat hul weë verander het en nou kragte saamsnoer om te keer dat jeugdiges in radikalisme verval? Wat duidelik is, is dat verstokte ideologiese vooroordele van meningsvormers, van links en van regs, die proses hier eerder van die wal in die sloot help.
Nuuskommentaar: Zuma veg terug
Daar kan min twyfel wees dat pres. Jacob Zuma se vlerke ná die Nene-debakel ietwat geknip is, maar dis ook duidelik dat dit Zuma nie welgeval nie. Hy veg verbete terug en begin sy magsbasis konsolideer. Sy toespraak gister voor die Huis van Tradisionele Leiers waarin hy die afsnydatum vir grondeise aansienlik wil terugskuif, is duidelik deel hiervan.
Nuuskommentaar: Taal en die studente-onluste
Dit lyk of die EFF nou met ’n nuwe taalfoefie by die UP kom om ’n “verskoning” te vind om die universiteit onregeerbaar te maak. As Afrikaans bly, moet “al 11 ander” Afrikatale ook as onderrigtale ingestel word. Dis nie die eerste keer dat iemand die 11 amptelike tale (nie volgens die EFF se sommetjies nie) as foefie gebruik om Afrikaans onder druk te plaas nie.
Nuuskommentaar: Zuma-wantrouemosie nie tot eer van ANC
Die wantrouemosie wat gister in die parlement teen pres. Jacob Zuma ingedien is, het ʼn bietjie nuusafwisseling gebring op ʼn nuustoneel wat steeds deur die studente-onluste en die afloop daarvan oorheers word. Die nuusdekking oor die wantrouemosie skep eerder die indruk dat dit ʼn politieke zombie is wat aan die bod kom waaragter die ANC hom prosedureel skaar en kunsmatig probeer lewe inblaas.
Nuuskommentaar: Waarheen met ubuntu?
’n Boek en ’n musiekspel met ubuntu as tema het toevallig byna gelyktydig in Nederland die lig gesien. Albei skrywers is besonder ingenome met ubuntu en meen die wêreld kan daarby baat vind, maar ironies het onlangse kampusgeweld getoon dat ubuntu in Suid-Afrika nog geen oorheersende nes kon skop nie. En dis nie net die wit mense of regses of Afrikaanssprekendes se skuld nie.
Nuuskommentaar: ‘Onwaarskynlike’ vrede
Asem word opgehou oor of die ooreenkoms tussen die Gautengse ANC en sy filiale, asook Solidariteit en Afriforum, by Tuks stabiliteit sal bring. By Tuks is die EFF uitgesluit, en die EFF-verteenwoordigers het boonop uit ’n gesprek met die minister gestorm en beloof die kampusse sal nie heropen nie. En dan is daar nog die ander universiteite …
Nuuskommentaar: Akademia deel van oplossing of probleem?
Akademia word vandag amptelik geopen, en uit nuusbrokkies daaroor beloof dit om ook indrukwekkende tegnologiese vermoëns bekend te stel. Vir baie Afrikaanssprekendes is Akademia teen die agtergrond van kampusgeweld ’n baken van hoop en ’n uitkoms. Vir ander is dit ’n steen des aanstoots.
Nuuskommentaar: Wie regeer nou die land?
Die afgelope paar dae is segmente van verskeie regeringsvorme gesien – ’n patetiese gefladdder van pres. Jacob Zuma, die bemoedigende tegnokratiese optrede van min. Pravin Gordhan, die anargie van die EFF op kampusse en die positiewe betrokkenheid van AfriForum oor ’n verbasend wye front.
Nuuskommentaar: Groot tegnokratiese herevaluering nóú nodig oor kampus-rassegeweld
Die rassespanning op kampusse verg nou ’n deeglike regsbegronde, tegnokratiese ondersoek, om ’n eskalasie tot die vlak van die Slag van Andringastraat presies 75 jaar gelede te voorkom. Dit verg egter ook doelgerigte steun van die politieke leierskap waar ’n Nommer Zero bloot ’n vyfde wiel aan die wa is.
Nuuskommentaar: Kampus-burgeroorlog
Lei die AfriForum-geleide rugstyfmakery by Tuks en die voorval in Bloemfontein waar woedende toeskouers molesmakers (wat ’n Varsitybeker-wedstryd kom ontwrig het) van die veld verwilder het ’n nuwe dimensie in die kampusgeweld in? En wat is in die eerste plek onderliggend tot die kampusgeweld – ’n soort klassestryd of ’n rassestryd gevoed deur die invloed van Fanon?
Nuuskommentaar: Beplan die VSA ’n staatsgreep in SA?
Die ANC se sekretaris-generaal, Gwede Mantashe, se opmerking by die ANC se onlangse “anti-rassisme”-optog dat die VSA ’n staatsgreep in Suid-Afrika probeer uitvoer, word as sulke bog beskou dat dit nie eens werklik nuusdekking gekry het nie. Maar verdien dit nie meer aandag ten die agtergrond dat die ANC op die verkiesing van ’n nuwe leier afstuur en voorbrand nou reeds gemaak word dat ’n uitgesproke sosialis soos Nkosazana Dlamini-Zuma eerder as Cyril Ramaphosa se posisie versterk word nie?
Nuuskommentaar: Is vandalisme en geweld tekenend van die nuwe Suid-Afrika?
Die eiegeregtigheid van sommige opstandige studente kan die land blywend verander. Opvoedkundige inrigtings kan nie die bastions van vandalisme en wetteloosheid word nie en waar ander se regte, soos om in Afrikaanse te kan studeer, vertrap word nie.
Nuuskommentaar: Het ons ʼn staatsgreep beleef?
Namate die tyd verloop sedert die Nene-insident, lyk dit al hoe meer of iemand agter die skerm “Zuma se toutjies trek”, maar ook met genoeg uitskieters wat lyk of Zuma wel nog genoeg speelruimte het om die land oneindige skade te berokken.
Nuuskommentaar: Malema se stem oor Die Stem
Dit is pikant dat ʼn party wie se parlementslede die grondwet blatant vertrap deur te weier om die Afrikaanse en Engelse deel van die volkslied te sing, hoogheilig kan verklaar dat pres. Zuma nie ʼn wettige president is nie. Kan so ʼn party, wat ook dreig om Tuks onregeerbaar te maak as Afrikaans nie as onderrigmedium afgeskaf word nie, in die verwagte koalisiepolitiek betrek word wat na verwagting na vanjaar se munisipale verkiesings plek-plek nodig gaan wees?
Nuuskommentaar: Dubbele maatstawwe vir rassisme is rassisme
Die pers-voorval by Maties en totaal ander maatstawwe by Wits het dit duidelik gemaak dat daar nog wyd ’n dubbele persepsie is oor wie by verstek aan rassisme skuldig sou wees, en wie by verstek die slagoffers sou wees. So ’n houding hou baie gevare in.
Nuuskommentaar: Pas op vir nuwe Slagtersnek
Daar is soveel ooreenkomste tussen die Slagtersnek-rebellie en die onlangse gebeure by Parys, veral teen die agtergrond van groot ooreenkomste tussen omstandighede destyds in die Oos-Kaap en nou in die land, dat die onversigtige ontleder potensiaal vir ’n nuwe Slagtersnek-opstand kan bemerk. Maar daar is ander opsies om ’n veilige toekoms uit te kerf soos die Solidariteit Beweging se Plan B.
Nuuskommentaar: SONA was sôna oemf en amper sôna einde
Die groot verwagtinge wat weens omstandighede die aandag op die staatsrede gevestig het, het grootliks ’n muis gebaar. Tog was daar meer waarvan kennis geneem moet word as net die EFF se sirkusstreke.
nuus oor die verkiesing
