Is universiteitsowerhede besig om voor die bedreiging van radikale geweld te swig deur Afrikaans stief te behandel en in die proses die Grondwet te vertrap? Is toegee aan radikalisme deel van die oplossing, of maak dit die probleem groter?
Nuuskommentaar: As Afrikaans die dag saamtrek
Die teenspoed wat Afrikaans by universiteite kry, is ’n duidelike aanduiding dat alles in die stryd gewerp moet word om saam te werk om die taal te bevorder en te bemark. Die webwerf www.Afrikaans.com bied so ’n geleentheid vir deelname deur almal vir wie Afrikaans belangrik is.
Nuuskommentaar: Hoe werk die regering met inligting?
Ons weet van sekere uitsaaivoorskrifte van die SAUK wat dié openbare uitsaaier self bekend maak. Hoeveel voorskrifte en opdragte word egter uitgevaardig maar nie aan die publiek bekend gemaak nie? Op die oog af lyk dit of inligting gesmoor word waar die staat se intelligensiedienste misgetas het om broeiplekke vir ontevredenheid uit te lig.
Nuuskommentaar: Grondgryp nou in Zuma se hande
Pres. Jacob Zuma het nou die finale sê oor die goedkeuring van die omstrede onteieningswet. Naas die juridiese proses, is daar ook ʼn proses van groot verwagtinge teenoor ʼn harde muur van realiteit wat konflik kan veroorsaak.
Nuuskommentaar: Ahmed Kathrada en rassisme
’n Artikel van die ANC-veteraan en voorvegter teen rassisme, Ahmed Kathrada, veroorsaak nou weens die gebrek aan ewehandigheid meer as net ’n rimpeling. Hoe lank gaan ’n groot deel van die bevolking rassisme as ’n simplistiese voortsetting van apartheid bly beskou, en mense volgens hul ras, eerder as die werklike dade, as rassiste en die slagoffer van rassisme kategoriseer?
Nuuskommentaar: As die middelgrond wegval
Kan Suid-Afrika iets leer uit die eindronde van die Oostenrykse presidentsverkiesing waar ’n Groene naelskraap met ’n ekstreem regse afgereken het? Boonop is daar ’n soortgelyke verloop in die VSA. Suid-Afrika is egter ’n heterogene land en stemgedrag moet meer gesegmenteerd bekyk word waar dit lyk of die opkoms van burgerlike bewegings soos die Solidariteit Beweging as teenvoeter dien vir magteloosheidspolitiek – en dit vanuit die sentrum doen.
Nuuskommentaar: Fort Zuma se skanse teen howe
Maak pres. Jacob Zuma se strategies juridiese en kwasi-juridiese skanse hom onaantasbaar of bly hy kwesbaar? Kan sy juridiese verskansing byvoorbeeld keer dat die land tot rommelstatus afgegradeer word?
Nuuskommentaar: Bruin en wit en beskouings oor Afrikaans en diversiteit is divers
Uit verskeie onlangse skrywes het dit nie net duidelik geword dat wit en bruin Afrikaanssprekendes mekaar ter wille van die oorlewing van Afrikaans nodig het nie, maar dit het ook geblyk hoe omvangryk die brûe sal moet wees wat hierdie samespanning oor ’n breë front moontlik maak.
Nuuskommentaar: Polarisasie om ekstreem links en regs geen grap
Terwyl dit duidelik is dat diegene wat ’n rooskleurige toekoms vir die land op die ekstreem linkse vleuel probeer vind gereeld tot vandalisme en geweld oorgaan, verklap leserskommentare dat daar ook nog baie lewe in die ekstreem regse geledere is. In die proses word broodnoodsaaklike aksies, soos die Solidariteit Beweging se #OnsBou-aksie, verdag gemaak.
Nuuskommentaar: “Ons toekoms is te belangrik om dit net aan die ANC oor te laat.”
Gaan die Afrikaner sy toekoms in die hande van die administrasie van pres. Jacob Zuma se regering oorlaat, of gaan hy op ʼn wettige wyse saamstaan en deur die Solidariteit Beweging se #OnsBou-aksie ʼn sinvolle toekoms vir toekomstige geslagte verseker?
Nuuskommentaar: Sadou en gekoopte poste
Vrydag is D-dag vir minister Angie Motshekga om die verslag oor poste vir kontant, wat Sadou betrek, bekend te maak. Die bekendmaking is reeds twee keer deur Sadou-dreigemente vertraag, maar ʼn kopie wat aan die media uitgelek is, behoort die minister genoeg te inspireer om met ʼn ongeredigeerde verslag deur te druk.
Nuuskommentaar: Jansen se bedanking en sosiale media toon kloof
Die reaksie op veral die sosiale media oor die bedanking van die UFS se rektor, prof. Jonathan Jansen, lê foutlyne in die versoeningsproses in Suid-Afrika bloot. Terwyl hy aan die een kant as versoener voorgehou word, meen ander dat sy dikwels onkonvensionele optrede juis rassepolarisasie aanhelp. Kan Jansen in die oorblywende maande van sy dienstydperk sy nalatenskap nog opgeklaar kry?
Nuuskommentaar: SA se grondwetlike demokrasie met Gordhangate daarmee heen?
Berigte oor bewerings dat die minister van finansies gearresteer gaan word en deur Brian Molefe van Eskom-faam vervang gaan word, veroorsaak ontsteltenis. Sou daar waarheid in steek, of selfs as die berigte net volgehou word, gaan Suid-Afrika enorme skade ly en die vingers wys weer na pres. Zuma en sy faksie.
Nuuskommentaar: 90% plaaslike musiekinhoud is ʼn kat met baie naels
Gaan Afrikaanse musiek baat vind by die SAUK se besluit om 90% plaaslike musiekinhoud op al sy platforms te verplig, of gaan luisteraars wegdraai van RSG omdat die “kwota” “noodwendig” ook tot die storting van musiekrommel sal lei? Uiteindelik gaan die luisteraar bepaal of die projek, wat Afrikaanse musiek betref, in sy doel slaag.
Nuuskommentaar: Skole brand, leë krane en die “goeie storie”
Het die ANC werklik so ʼn “goeie storie” om te vertel soos voorgegee word, of sou ʼn ander regering in die post-disinvesterings- en sanksietyd veel beter kon presteer? Volgens Municipal IQ gaan daar vanjaar ʼn rekordaantal beduidende diensleweringsprotesaksies wees – dit lyk dus asof die ANC moeite het om sy gebruiklike stemvee te oortuig dat dit doeltreffend regeer.
Nuuskommentaar: Ore aansit met ‘goeie nuus’
Die media het te kampe met klagtes oor nuus wat dikwels slegte nuus is, maar dat die goeie nuus wat wel gepubliseer word, dikwels nie juis lesers trek nie.
Nuuskommentaar: Afrikaans kan by Friese leer
Terwyl vrywilligers as deel van ’n projek van Maroela Media skouer aan die wiel gesit het om Afrikaanse items op Wikipedia te plaas, het talle Friese gesorg dat hul taal ook as taal op Google se vertaalfunksie gelaai kon word. Daar is baie lesse wedersyds te leer oor hoeveel opoffering dit verg om ’n taal volwaardig te kan handhaaf.
Nuuskommentaar: Gaan Zuma deur Moody’s-swaard beteuel word?
Moody’s se jongste gradering van Suid-Afrika het die land ’n waardevolle blaaskans gebied – moontlik net tot die middel van die jaar wanneer nog twee graderingsagentskappe wat minder simpatiek teenoor Suid-Afrika is met hul beoordeling kom. Die vraag is of pres. Zuma sy onverantwoordelike vrysprakighede in die aanloop van ’n belangrike verkiesing in toom kan hou om die herstelprogram onder leiding van min. Gordhan nie in die voet te skiet nie.
Nuuskommentaar: Zuma se spieëltjie aan die wand
Sedert Nenegate lyk dit of pres. Zuma ’n spieël moes gebreek het. Dit lyk al meer of dit die towerspieëltjie was wat hom wysgemaak het hy is die fraaiste in die land. Te midde van teenspoed lyk dit of dit wat in die land reg verloop, geskied ten spyte van Zuma, en nie as gevolg van nie. Burgerlike instellings speel hierin ’n groot rol.
Nuuskommentaar: Zuma-bashing en persvryheid
Terwyl die media lustig aan Zuma-bashing meedoen, het Suid-Afrika se posisie op Verslaggewers Sonder Grense se persvryheidsindeks onveranderd gebly, nadat dit in onlangse jare dramaties verbeter het. Maar presies hoe persvry is Suid-Afrika?